Ashlish 5:14 - Yn Conaant Noa 1810

¹⁴ As dooyrt ny kiare cretooryn, Amen. As huitt ny kiare shanstyryn as feed sheese as hug ad ooashley dasyn ta bio son dy bragh as dy bragh.

Yn Vible Casherick 1775 1819

¹⁴ As dooyrt ny kiare cretooryn, Amen. As huitt ny kiare shanstyryn as feed sheese as hug ad ooashley dasyn ta bio son dy bragh as dy bragh.

Ashlish 5:14 ပူးပေါင်းရင်းမြစ်များ

1 Corinthianee 14:16

Er‐nonney tra t’ou bannaghey lesh y spyrryd, kys nee eshyn nagh vel dy dty hoiggal, gra Amen tra t’ou coyrt booise, fakin nagh vel eh toiggal cre t’ou dy ghra?

Ashlish 19:4

As huitt ny kiare shanstyryn as feed, as ny kiare cretooryn sheese as hug ad ooashley da Jee va soie er y stoyl‐reeoil, gra, Amen; Alleluia.

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.

Ashlish 4:6

As kiongoyrt rish y stoyl‐reeoil va faarkey dy ghless, goll‐rish crystal: as ayns mean y stoyl‐reeoil as cruin mygeayrt y stoyl‐reeoill, va kiare beiyn lane dy hooillyn cheu‐veealloo as cheu‐chooylloo.

Ashlish 5:11

As yeeagh mee, as cheayll mee coraa ymmodee ainleyn mygeayrt y stoyl‐reeoil, as ny cretooryn, as ny shanstyryn: as va’n earroo oc jeih thousane keayrt jeih thousaneyn, as thousaneyn dy housaneyn;

Ashlish 5:6

As yeeagh mee, as cur‐my‐ner, kiongoyrt rish y stoyl‐reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

Ashlish 7:12

Gra, Amen: Bannaght, as gloyr, as creenaght, as booise, as ooashley, as pooar, as niart, dy row gys y Jee ainyn son dy bragh as dy bragh. Amen.