Ashlish 5:13 - Yn Conaant Noa 1810

¹³ As dy chooilley chretoor t’ayns niau, as er y thalloo, as fo’n thalloo, as lheid as ta ayns y cheayn, as ooilley ny t’ayndoo, cheayll mee, gra, Bannaght, as ooashley, as gloyr, as pooar dy row huggeysyn ta soie er y stoyl‐reeoil, as gys yn Eayn son dy bragh as dy bragh.

Yn Vible Casherick 1775 1819

¹³ As dy chooilley chretoor t’ayns niau, as er y thalloo, as fo’n thalloo, as lheid as ta ayns y cheayn, as ooilley ny t’ayndoo, cheayll mee, gra, Bannaght, as ooashley, as gloyr, as pooar dy row huggeysyn ta soie er y stoyl-reeoil, as gys yn Eayn son dy bragh as dy bragh.

Ashlish 5:13 ပူးပေါင်းရင်းမြစ်များ

Noo Mian 6:13

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Noo Luke 2:14

Gloyr dy row gys Jee ayns yn yrjid, as er y thalloo shee, aigney‐mie gys deiney.

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Romanee 11:36

Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Romanee 16:27

Gys yn ynrycan Jee creeney dy row gloyr trooid Yeesey Creest son dy bragh. Amen.

Romanee 9:5

Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

Ephesianee 3:21

Huggey dy row gloyr ayns yn agglish liorish Creest Yeesey, trooid magh dy chooilley eash, seihll gyn jerrey. Amen.

Philippianee 2:10

Ec ennym Yeesey dy jinnagh dy chooilley ghlioon loobey, dy reddyn ayns niau, as reddyn er y thalloo, as dy reddyn fo’n thalloo;

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

1 Timothy 4:16

Cur tastey dhyt hene, as da dty ynsagh; jean tannaghtyn ayndoo: son ayns jannoo shoh, nee oo chammah oo hene y hauail, ad adsyn ta dy dty chlashtyn.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

1 Peddyr 5:11

Huggeysyn dy row gloyr as reill son dy bragh as dy bragh. Amen.

Jude 1:25

Gys yn ynrycan Jee creeney nyn Saualtagh, dy row gloyr as ard‐ooashley, reill as pooar, nish as dy bragh. Amen.

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 5:1

As honnick mee ayns y laue‐yesh echeysyn va soie er y stoyl reeoil, lioar scruit er y cheu‐sthie as er y chooyl, sealit lesh shiaght sealyn.

Ashlish 5:12

Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Ashlish 5:3

As cha yiarg dooinney erbee ayns niau, ny er y thalloo, ny fo’n thalloo, yn lioar y osley, ny dy yeeaghyn ayn.

Ashlish 5:6

As yeeagh mee, as cur‐my‐ner, kiongoyrt rish y stoyl‐reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 6:16

As dooyrt ad rish ny sleityn as ny creggyn, Tuitt‐jee orrin, as follee shin veih’n eddin echeysyn ta ny hoie er y stoyl‐reeoil, as veih corree yn Eayn: