Ashlish 5:12 - Yn Conaant Noa 1810

¹² Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Yn Vible Casherick 1775 1819

¹² Gra lesh ard-choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Ashlish 5:12 ပူးပေါင်းရင်းမြစ်များ

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Ean 1:29

Yn nah laa honnick Ean Yeesey cheet ny‐whail, as dooyrt eh, Cur‐my‐ner Eayn Yee, ta goaill ersooyl peccah yn theihll.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrillagh ta dty obbraghyn, Hiarn Yee Ooilley‐niartal; cairagh as firrinagh ta dty raaidyn, uss Ree nooghyn.

Ashlish 19:1

Lurg ny reddyn shoh cheayll mee sheean mooar myr jeh mooarane pobble ayns niau, gra, Alleluia: Saualtys, as gloyr, as ooashley, as pooar dy row gys y Chiarn y Jee ain:

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 5:13

As dy chooilley chretoor t’ayns niau, as er y thalloo, as fo’n thalloo, as lheid as ta ayns y cheayn, as ooilley ny t’ayndoo, cheayll mee, gra, Bannaght, as ooashley, as gloyr, as pooar dy row huggeysyn ta soie er y stoyl‐reeoil, as gys yn Eayn son dy bragh as dy bragh.

Ashlish 5:6

As yeeagh mee, as cur‐my‐ner, kiongoyrt rish y stoyl‐reeoil, as ny kiare cretooryn, as ayns mean ny shanstyryn, hass Eayn myr dy beagh eh er ny varroo, lesh shiaght eairkyn, as shiaght sooillyn, ta shiaght Spyrrydyn Yee, er nyn goyrt magh trooid ooilley’n seihll.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 6:1

As honnick mee, tra doshil yn Eayn yn chied seal as cheayll mee, myr feiyr taarnagh, fer jeh ny kiare cretooryn, gra, Tar, as cur‐my‐ner.

Ashlish 7:12

Gra, Amen: Bannaght, as gloyr, as creenaght, as booise, as ooashley, as pooar, as niart, dy row gys y Jee ainyn son dy bragh as dy bragh. Amen.