Ashlish 4:9 - Yn Conaant Noa 1810

⁹ As choud as ta ny cretooryn shen coyrt gloyr, as ooashley, as booise dasyn va ny hoie er y stoyl reeoil, ta bio son dy bragh as dy bragh.

Yn Vible Casherick 1775 1819

⁹ As choud as ta ny cretooryn shen coyrt gloyr, as ooashley, as booise dasyn va ny hoie er y stoyl-reeoil, ta bio son dy bragh as dy bragh.

Ashlish 4:9 ပူးပေါင်းရင်းမြစ်များ

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

Hebrewnee 7:8

As ayns shoh ta deiney giare‐heihllagh goaill jagheenyn: agh ayns shen t’eshyn geddyn ad da ta feanish er ny ymmyrkey dy vel eh bio.

Ashlish 1:18

Mish eh ta bio, as va marroo; as cur‐my‐ner ta mee bio er son dy bragh, Amen; as ta aym ogheryn niurin as baase.

Ashlish 10:6

As loo eh liorishyn ta bio son dy bragh as dy bragh, chroo niau, as ny reddyn t’ayn, as y thalloo, as ny reddyn t’ayn, as yn aarkey, as ny reddyn t’ayn, nagh beagh traa ny sodjey:

Ashlish 15:7

As hug unnane jeh ny kiare creetooryn da ny shiaght ainleyn, shiaght siyn airhey lane jeh jymmoose Yee, ta bio son dy bragh as dy bragh.

Ashlish 21:5

As dooyrt eshyn va ny hoie er y stoyl‐reeoil, Cur‐my‐ner, ta mee jannoo dy chooilley nhee noa. As dooyrt eh rhym, Scrieu: son ta ny goan shoh firrinagh as shickyr.

Ashlish 4:2

As chelleeragh va mee ayns y Spyrryd; as cur‐my‐ner, va stoyl‐reeoill soit ayns niau, as hoie fer er y stoyl‐reeoil.

Ashlish 4:8

As v’ec dagh fer jeh ny kiare cretooryn shey skianyn mygeayrt‐y‐mysh, as v’ad lane dy hooillyn cheu‐sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley‐niartal, va, as ta, as ta ry‐heet.

Ashlish 5:1

As honnick mee ayns y laue‐yesh echeysyn va soie er y stoyl reeoil, lioar scruit er y cheu‐sthie as er y chooyl, sealit lesh shiaght sealyn.

Ashlish 6:16

As dooyrt ad rish ny sleityn as ny creggyn, Tuitt‐jee orrin, as follee shin veih’n eddin echeysyn ta ny hoie er y stoyl‐reeoil, as veih corree yn Eayn:

Ashlish 7:15

T’ad er‐y‐fa shen kiongoyrt rish stoyl‐reeoil Yee, as dy hirveish eh oie as laa ayns e hiamble: as nee eshyn ta ny hoie er y stoyl‐reeoil cummal nyn mast’ oc.