Ashlish 4:2 - Yn Conaant Noa 1810

² As chelleeragh va mee ayns y Spyrryd; as cur‐my‐ner, va stoyl‐reeoill soit ayns niau, as hoie fer er y stoyl‐reeoil.

Yn Vible Casherick 1775 1819

² As chelleeragh va mee ayns y Spyrryd; as cur-my-ner, va stoyl-reeoil soit ayns niau, as hoie fer er y stoyl-reeoil.

Ashlish 4:2 ပူးပေါင်းရင်းမြစ်များ

Noo Mian 22:43

Dooyrt eshyn roo, Kys eisht dy vel David liorish yn spyrryd genmys eh ny Hiarn, gra,

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard‐saggyrt ain, ta soit er laue yesh stoyl‐reeoil yn ard‐ooashley ayns ny niaughyn;

Ashlish 1:10

Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.

Ashlish 12:5

As dymmyrk ee lhiannoo mac, va ry‐hoi reill dy chooilley ashoon lesh lorg dy yiarn: as va’n mac eck goit seose gys Jee, as gys e stoyl reeoil.

Ashlish 17:3

Er shen hug eh lesh mee liorish y spyrryd gys yn aasagh: as honnick mee ben ny soie er baagh scarleod, lane dy enmyn mollaghtagh, lesh shiaght king, as jeih eairkyn.

Ashlish 19:4

As huitt ny kiare shanstyryn as feed, as ny kiare cretooryn sheese as hug ad ooashley da Jee va soie er y stoyl‐reeoil, gra, Amen; Alleluia.

Ashlish 20:11

As honnick mee stoyl‐reeoil mooar gial, as eshyn va ny hoie er, veih e enish ren niau as thalloo chea ersooyl, as cha row ynnyd ry‐gheddyn er nyn son.

Ashlish 21:10

As hug eh lesh mee ersooyl ayns y spyrryd gys slieau mooar ard, as yeeagh eh dou yn ard‐valley, yn Jerusalem casherick, cheet neose ass niau veih Jee,

Ashlish 21:5

As dooyrt eshyn va ny hoie er y stoyl‐reeoil, Cur‐my‐ner, ta mee jannoo dy chooilley nhee noa. As dooyrt eh rhym, Scrieu: son ta ny goan shoh firrinagh as shickyr.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 4:10

Ta ny kiare shanstyryn as feed tuittym sheese kiongoyrt rishyn va ny hoie er y stoyl‐reeoil, as coyrt ooashley dasyn ta bio son dy bragh as dy bragh, as t’ad ceau sheese ny attaghyn oc kiongoyrt rish y stoyl‐reeoil, gra,

Ashlish 4:5

As magh ass y stoyl‐reeoil haink tendreilyn, as taarnaghyn, as coraaghyn. As va shiaght lampyn dy aile, lossey kiongoyrt rish y stoyl‐reeoil, shen ta shiaght spyrrydyn Yee.

Ashlish 4:9

As choud as ta ny cretooryn shen coyrt gloyr, as ooashley, as booise dasyn va ny hoie er y stoyl reeoil, ta bio son dy bragh as dy bragh.

Ashlish 5:1

As honnick mee ayns y laue‐yesh echeysyn va soie er y stoyl reeoil, lioar scruit er y cheu‐sthie as er y chooyl, sealit lesh shiaght sealyn.

Ashlish 5:13

As dy chooilley chretoor t’ayns niau, as er y thalloo, as fo’n thalloo, as lheid as ta ayns y cheayn, as ooilley ny t’ayndoo, cheayll mee, gra, Bannaght, as ooashley, as gloyr, as pooar dy row huggeysyn ta soie er y stoyl‐reeoil, as gys yn Eayn son dy bragh as dy bragh.

Ashlish 6:16

As dooyrt ad rish ny sleityn as ny creggyn, Tuitt‐jee orrin, as follee shin veih’n eddin echeysyn ta ny hoie er y stoyl‐reeoil, as veih corree yn Eayn: