Ashlish 4:11 - Yn Conaant Noa 1810

¹¹ T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Yn Vible Casherick 1775 1819

¹¹ T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 4:11 ပူးပေါင်းရင်းမြစ်များ

Jannoo 14:15

As gra, Gheiney, cre’n‐fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardailyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

Jannoo 17:24

Jee ren y seihll, as dy chooilley nhee t’ayn y chroo, fakin dy nee eshyn Chiarn niau as thalloo, cha vel eh cummal ayns chiambyllyn troggit lesh laueyn:

Romanee 11:36

Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Ephesianee 3:9

As dy hoilshaghey dy foshlit da dy chooilley ghooinney, cre ta commeeys y folliaght ta er ve er dy hoshiaght y theihll keillit ayns Jee, ren dy chooilley nhee y chroo liorish Yeesey Creest:

Hebrewnee 1:10

As, T’ou uss, Hiarn, ’sy toshiaght er hoiaghey undin y thallooin; as ta ny niaughyn obbraghyn dty laueyn.

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Ashlish 1:6

As ta er n’yannoo shin reeaghyn as saggyrtyn gys Jee as e Ayr; dasyn dy row gloyr as reill son dy bragh as dy bragh. Amen.

Ashlish 10:6

As loo eh liorishyn ta bio son dy bragh as dy bragh, chroo niau, as ny reddyn t’ayn, as y thalloo, as ny reddyn t’ayn, as yn aarkey, as ny reddyn t’ayn, nagh beagh traa ny sodjey:

Ashlish 14:7

Gra lesh ard‐choraa, Gow‐jee aggle roish Jee, as cur‐jee gloyr da; son ta oor y vriwnys echey er jeet: as cur jee ooashley dasyn chroo niau as thalloo, as yn aarkey, as ny farraneyn ushtey.

Ashlish 19:1

Lurg ny reddyn shoh cheayll mee sheean mooar myr jeh mooarane pobble ayns niau, gra, Alleluia: Saualtys, as gloyr, as ooashley, as pooar dy row gys y Chiarn y Jee ain:

Ashlish 5:12

Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.

Ashlish 5:2

As honnick mee ainle niartal fockley magh lesh ard‐choraa, Quoi ta feeu dy osley yn lioar, as dy eaysley ny sealyn eck?

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;