Ashlish 3:7 - Yn Conaant Noa 1810

⁷ As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley:

Yn Vible Casherick 1775 1819

⁷ As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley:

Ashlish 3:7 ပူးပေါင်းရင်းမြစ်များ

Noo Mian 16:19

As ver‐yms dhyt’s ogheryn reeriaght niau: as cre‐erbee chianglys oo er y thalloo, bee eh kianlt ayns niau: as cre‐erbee eayslys oo er y thalloo, bee eh er ny eaysley ayns niau.

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Luke 1:32

Bee eshyn cronnal as enmyssit Mac yn Er‐syrjey; as ver y Chiarn Jee dasyn stoyl‐reeoil e ayr David.

Noo Luke 4:34

Gra, Faag shin; cre’n eïe t’ayd orrin uss Yeesey dy Nazareth? vel oo er jeet dy nyn stroie? ta fys aym quoi oo hene; Fer‐casherick Yee.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Jannoo 3:14

Agh dob shiuish yn Fer‐noo casherick, cairagh, as hir shiu dunver er nyn accan dy ve livreït diu,

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:18

Mish eh ta bio, as va marroo; as cur‐my‐ner ta mee bio er son dy bragh, Amen; as ta aym ogheryn niurin as baase.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrillagh ta dty obbraghyn, Hiarn Yee Ooilley‐niartal; cairagh as firrinagh ta dty raaidyn, uss Ree nooghyn.

Ashlish 16:7

As cheayll mee fer elley gra veih’n altar, Eer myr shen, Hiarn Yee Ooilley‐niartal, firrinagh as cairagh ta dty vriwnyssyn.

Ashlish 19:11

As honnick mee niau foshlit as cur‐my‐ner, cabbyl bane: as va eshyn va markiaght er enmyssit Firrinagh as Ynrick, as ayns cairys t’eh briwnys as jannoo caggey.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er‐shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.

Ashlish 2:1

Gys ainle agglish Ephesus, scrieu, Ny reddyn shoh ta eshyn dy ghra ta cummal ny shiaght rollageyn ayns e laue yesh, ta shooyl mastey ny shiaght cainleyryn dy airh;

Ashlish 21:5

As dooyrt eshyn va ny hoie er y stoyl‐reeoil, Cur‐my‐ner, ta mee jannoo dy chooilley nhee noa. As dooyrt eh rhym, Scrieu: son ta ny goan shoh firrinagh as shickyr.

Ashlish 3:14

As gys ainle agglish ny Laodiceanee, scrieu, Ny reddyn shoh ta’n Amen dy ghra, yn feanish ynrick as firrinagh, toshiaght chroo Yee.

Ashlish 4:8

As v’ec dagh fer jeh ny kiare cretooryn shey skianyn mygeayrt‐y‐mysh, as v’ad lane dy hooillyn cheu‐sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley‐niartal, va, as ta, as ta ry‐heet.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 6:10

As deïe ad lesh ard‐choraa, gra, Caid, O Hiarn, casherick as firrinagh, nagh vel uss briwnys as goaill cooilleeney son yn uill ain er fir‐vaghee yn thallooin?