Ashlish 3:4 - Yn Conaant Noa 1810

⁴ Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.

Yn Vible Casherick 1775 1819

⁴ Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.

Ashlish 3:4 ပူးပေါင်းရင်းမြစ်များ

Noo Mian 10:11

As ard‐valley ny balley erbee dy jed shiu stiagh ayn jean‐jee briaght quoi ayn ta feeu, as mârishyn gow‐jee aaght derrey hed shiu reue.

Noo Mark 16:5

As hie ad stiagh ayns yn oaie, as honnick ad dooinney aeg ny hoie er y cheu yesh, coamrit ayns coamrey liauyr gial: as v’ad agglagh.

Noo Luke 20:35

Agh adsyn vees coontit feeu jeh’n theihll shen, as jeh yn irree‐reesht veih ny merriu, cha vel ad poosey, ny er nyn goyrt ayns poosey.

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

Jude 1:23

As feallagh elley saue‐jee lesh aggle, myr dy beagh shiu dy hayrn ad ass yn aile; coyrt feoh ’eer da’n gharmad sollit liorish yn eill.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard‐valley, as ayns y craa‐thallooin v’er nyn stroie shiaght thousane dooinney: as v’adsyn va er‐mayrn atchimagh, as hug ad gloyr da Jee t’ayns niau.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.

Ashlish 19:14

As deiyr er sheshaghyn‐caggee niau, er cabbil baney, coamrit lesh aanrit keyl, gial as glen.

Ashlish 19:8

As jeeish ve lowit dy ve coamrit lesh aanrit keyl, glen as gial: son ta’n aanrit keyl ynrickys ny nooghyn.

Ashlish 3:18

Ta mee cur coyrle dhyt dy chionnaghey voym airh er ny phrowal ’syn aile, dy vod oo ve berchagh; as coamrey gial, dy vod oo ve coodit, as nagh bee dty nearey er ny akin; as jean dty hooillyn y ooillaghey lesh shelliu‐sooilley, dy vod oo fakin.

Ashlish 3:5

Bee eshyn yiow yn varriaght, coamrit ayns garmad gial; as cha derym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.

Ashlish 6:11

As va coamraghyn gial er ny choyrt da dagh unnane oc, as ve er ny ghra roo, dy row ad dy ghoaill fea foast son tammylt derrey veagh traa nyn sheshaghyn‐sharvaant myrgeddin, as nyn mraaraghyn va dy hurranse baase myr ren adsyn, cooilleenit.

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: