Ashlish 3:2 - Yn Conaant Noa 1810

² Bee er dty arrey, as niartee ny reddyn ta er‐mayrn, ta aarloo dy gholl naardey: son cha vel mee er gheddyn dty obbraghyn dy slane cooilleenit fenish Yee.

Yn Vible Casherick 1775 1819

² Bee er dty arrey, as niartee ny reddyn ta er-mayrn, ta aarloo dy gholl naardey: son cha vel mee er gheddyn dty obbraghyn dy slane cooilleenit fenish Yee.

Ashlish 3:2 ပူးပေါင်းရင်းမြစ်များ

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Mian 25:13

Bee‐jee er nyn dwoaie er‐y‐fa shen, son cha vel fys eu er y laa ny’n oor, nee Mac y dooinney cheet.

Noo Mian 25:7

Eisht dirree ooilley ny moidynyn shen, as hooar ad aarloo nyn lampyn.

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Ashlish 16:15

Cur‐my‐ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.

Ashlish 2:4

Ny‐yeih ta red ennagh aym dt’oï, er‐yn‐oyr dy vel oo er hreigeil dty chied ghraih.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.

Ashlish 3:3

Cooinee, er‐y‐fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er‐y‐fa shen er dty arrey, hig‐ym ort myr maarliagh, as cha bee fys ayd cre’n oor hig‐ym ort.