Ashlish 3:12 - Yn Conaant Noa 1810

¹² Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu‐yms er ennym my Yee, as ennym ard‐valley my Yee, yn Jerusalem noa, ta cheet neose veih niau voish my Yee; as scrieu‐yms er my ennym noa.

Yn Vible Casherick 1775 1819

¹² Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu-yms er ennym my Yee, as ennym ard-valley my Yee, yn Jerusalem noa, ta cheet neose veih niau voish my Yee; as scrieu-yms er my ennym noa.

Ashlish 3:12 ပူးပေါင်းရင်းမြစ်များ

Noo Mark 12:16

As hug ad lhieu eh: as dooyrt eh roo, Quoi gys ta’n cowrey as y screeu shoh bentyn? As dooyrt adsyn rish, Gys Cesar.

Galatianee 2:9

As tra hug Jamys, Cephas, as Ean, va goit son pillaryn, tastey da’n ghrayse v’er ny stowal orrym’s, hug ad dooys as da Barnabas yn laue yesh dy choardail, dy ragh shinyn gys ny Ashoonee, as adsyn gys yn giarey‐chymmylt.

Ephesianee 3:15

Jehsyn ta’n slane lught‐thie ayns niau as er y thalloo er ny enmys.

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Hebrewnee 13:14

Son ayns shoh cha vel ain ard‐valley shickyr, agh ta skin jerkal rish ta ry‐heet.

1 Ean 4:4

Ta shiuish jeh Jee, chloan veggey, as er gheddyn y varriaght orroo: er‐yn‐oyr dy vel eshyn ta ayndiuish ny s’pooaral, na eshyn ta ayns y theihll.

Ashlish 14:1

As yeeagh mee, as cur‐my‐ner, hass Eayn er cronk Sion, as mârish shiaght feed as kiare thousaneyn, lesh ennym e Ayrey scruit ayns glare nyn eddinyn.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:17

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn. Dasyn ta geddyn yn varriaght ver‐yms dy ee jeh’n manna follit, as ver ym da clagh vane, as er y chlagh ennym noa scruit, nagh nione da dooinney erbee, agh eshyn ta dy gheddyn eh.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.

Ashlish 21:2

As honnick mish Ean yn ard‐valley casherick, yn Jerusalem noa, cheet neose veih Jee ass niau, soit magh myr ben‐phoosee coamrit son e sheshey.

Ashlish 22:4

As hee ad yn eddin echey: as bee’n ennym echey scruit er glaare nyn eddinyn.

Ashlish 3:5

Bee eshyn yiow yn varriaght, coamrit ayns garmad gial; as cha derym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.