Ashlish 3:10 - Yn Conaant Noa 1810

¹⁰ Er‐yn‐oyr dy vel oo er vreayll goo my hurranse, freill‐yms uss myrgeddin veih’n oor dy hrial, ta ry‐hoi cheet er ooilley’n seihll, dy phrowal adsyn ta baghey er y thalloo.

Yn Vible Casherick 1775 1819

¹⁰ Er-yn-oyr dy vel oo er vreayll goo my hurranse, freill-yms uss myrgeddin veih’n oor dy hrial, ta ry-hoi cheet er ooilley’n seihll, dy phrowal adsyn ta baghey er y thalloo.

Ashlish 3:10 ပူးပေါင်းရင်းမြစ်များ

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 26:41

Bee‐jee er nyn dwoaie as gow‐jee padjer, nagh duitt shiu ayns miolagh: ta’n spyrryd dy jarroo arryltagh, agh t’an eill annoon.

Noo Mian 6:13

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Noo Mark 14:9

Dy firrinagh ta mee gra riu, Cre theihll yn raad bee yn sushtal shoh er ny phreacheil, dy bee shoh t’eeish er n’yannoo, er ny imraa ayns cooinaghtyn jeeish.

Noo Luke 2:1

As haink eh gy‐kione anys ny laghyn shen, dy jagh sarey magh veih Cesar Augustus, dy beagh coontey er ny ghoaill jeh’n slane rheam.

Noo Ean 17:6

Ta mee er hoilshaghey dty ennym gys ny deiney hug oo dou ass y theihll: lhiat’s v’ad, as hug oo ad dooys; as t’ad er vreayll dty ghoo.

Romanee 1:8

Hoshiaght, ta mee coyrt booise da my Yee trooid Yeesey Creest er nyn son eu ooilley, dy vel y credjue euish er ny imraa jeh trooid y slane seihll.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

Ephesianee 6:13

Shen‐y‐fa gow‐jee hiu slane eilley Yee, dy vod shiu ve abyl dy hassoo magh ayns y laa seaghnagh, as lurg diu ve er yannoo ooilley, dy hassoo.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

Jamys 3:12

Vod y billey‐figgagh, my vraaraghyn, gymmyrkey berrishyn‐olive? ny billey‐feeyney figgyn? myr shen cha vod farrane erbee cur magh ushtey sailjey as oor?

1 Peddyr 4:12

Chaarjyn ghraihagh, ny gow‐jee yindys mychione y trial aileagh ta ry‐hoi prowal shiu, myr dy beagh red ennagh joarree er daghyrt diu:

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee‐chrauee gys laa ny briwnys dy ve er nyn gerraghey:

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 11:10

As bee cummaltee yn thallooin boggyssagh harrystoo, as bee ad gennal, as ver ad giootyn da ’cheilley; er‐yn‐oyr dy ren y daa phadeyr shoh adsyn y heaghney va baghey er y thalloo.

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 14:12

Ayns shoh ta meenid ny nooghyn; shoh’n raad t’adsyn ta cur tastey da annaghyn Yee, as da credjue Yeesey.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,

Ashlish 16:14

Son spyrrydyn jouyil ad gobbraghey mirrillyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley‐niartal Jee.

Ashlish 17:2

Mâree ta reeaghyn y theihll er n’yannoo maarderys, as ta cummaltee ny hooirey er ve er‐meshtey lesh feeyn e maarderys.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 3:8

Shione dou dty obbraghyn: cur‐my‐ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.

Ashlish 6:10

As deïe ad lesh ard‐choraa, gra, Caid, O Hiarn, casherick as firrinagh, nagh vel uss briwnys as goaill cooilleeney son yn uill ain er fir‐vaghee yn thallooin?

Ashlish 8:13

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.