Ashlish 22:7 - Yn Conaant Noa 1810

⁷ Cur‐my‐ner, ta mee cheet dy tappee: bannit ta eshyn ta freayll raaghyn phadeyrys y lioar shoh.

Yn Vible Casherick 1775 1819

⁷ Cur-my-ner, ta mee cheet dy tappee: bannit ta eshyn ta freayll raaghyn phadeyrys y lioar shoh.

Ashlish 22:7 ပူးပေါင်းရင်းမြစ်များ

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er‐gerrey.

Ashlish 16:15

Cur‐my‐ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.

Ashlish 2:16

Gow arrys; er‐nonney hig‐ym hood dy tappee; as nee’m caggey nyn ’oï oc lesh cliwe my veeal.

Ashlish 22:12

As cur‐my‐ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn.

Ashlish 22:18

Son ta mee gymmyrkey feanish gys dy chooilley ghooinney ta clashtyn goan phadeyrys yn lioar shoh, My nee dooinney erbee cur veg smoo gys ny reddyn shoh, ver Jee ersyn ny briwnyssyn trome ta scruit ayns y lioar shoh:

Ashlish 22:19

As my ghoys dooinney erbee veg ersooyl veih goan lioar y phadeyrys shoh, gowee Jee ersooyl yn ayrn echeysyn ass lioar y vea, as ass yn ard‐valley casherick, as veih ny reddyn ta scruit ’sy lioar shoh.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 22:21

Grayse nyn Jiarn Yeesey Creest dy row mêriu ooilley. Amen. YN JERREY.

Ashlish 3:11

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.

Ashlish 3:3

Cooinee, er‐y‐fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er‐y‐fa shen er dty arrey, hig‐ym ort myr maarliagh, as cha bee fys ayd cre’n oor hig‐ym ort.