Ashlish 22:3 - Yn Conaant Noa 1810

³ As cha bee mollaght arragh: agh bee stoyl‐reeoil Yee, as yn Eayn aynjee: as nee e harvaantyn eshyn y hirveish.

Yn Vible Casherick 1775 1819

³ As cha bee mollaght arragh: agh bee stoyl-reeoil Yee, as yn Eayn aynjee: as nee e harvaantyn eshyn y hirveish.

Ashlish 22:3 ပူးပေါင်းရင်းမြစ်များ

Noo Mian 25:21

Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 13:32

My ta Jee er ny ghloyraghey ayn, nee Jee myrgeddin eshyn y ghloyraghey ayn hene, as nee eh dy gerrit eh y ghloyraghey.

Noo Ean 14:3

As my hem’s dy yannoo aarloo ynnyd er nyn son, hig‐ym reesht, as goym shiu hym pene, raad ta mish dy vod shiuish ve myrgeddin.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Ashlish 7:10

As hrog ad seose nyn goraa dy ard, gra, Saualtys gys y Jee ain, ta ny hoie er y stoyl‐reeoil, as gys yn Eayn.

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: