Ashlish 22:10 - Yn Conaant Noa 1810

¹⁰ As dooyrt eh rhym, Ny seal raaghyn phadeyrys y lioar shoh: son ta’n traa er‐gerrey.

Yn Vible Casherick 1775 1819

¹⁰ As dooyrt eh rhym, Ny seal raaghyn phadeyrys y lioar shoh: son ta’n traa er-gerrey.

Ashlish 22:10 ပူးပေါင်းရင်းမြစ်များ

Noo Mian 10:27

Shen ta mish dy insh diu ayns folliaght, fockle‐jee shiuish magh eh dy foshlit: as shen ta shiu er chlashtyn myr hannish voym’s, jean‐jee y phreacheil er mullagh ny dhieyn.

Romanee 13:11

As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Romanee 13:12

Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

2 Thessalonianee 2:3

Ny lhig da dooinney erbee liorish saaseyn erbee shiu y volley: son cha jig y laa shen mannagh jig hoshiaght tuittym ersooyl [veih’n chredjue], as dy bee’n dooinney shen dy pheccah er ny hoilshaghey, yn mac dy hoyrt‐mow;

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er‐gerrey.

Ashlish 10:4

As tra va ny shiaght taarnaghyn erreish fockley magh nyn goraa, va mee kiarit dy scrieu; as cheayll mee coraa veih niau, gra rhym, Seal seose ny reddyn shen ta ny shiaght taarnaghyn er vockley magh, as ny scrieu ad.

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.

Ashlish 22:18

Son ta mee gymmyrkey feanish gys dy chooilley ghooinney ta clashtyn goan phadeyrys yn lioar shoh, My nee dooinney erbee cur veg smoo gys ny reddyn shoh, ver Jee ersyn ny briwnyssyn trome ta scruit ayns y lioar shoh:

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 22:7

Cur‐my‐ner, ta mee cheet dy tappee: bannit ta eshyn ta freayll raaghyn phadeyrys y lioar shoh.

Ashlish 22:9

Eisht dooyrt eh rhym, Jeeagh nagh jean oo: son ta mish dty heshey‐harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.

Ashlish 5:1

As honnick mee ayns y laue‐yesh echeysyn va soie er y stoyl reeoil, lioar scruit er y cheu‐sthie as er y chooyl, sealit lesh shiaght sealyn.