Ashlish 21:8 - Yn Conaant Noa 1810

⁸ Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Yn Vible Casherick 1775 1819

⁸ Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 21:8 ပူးပေါင်းရင်းမြစ်များ

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee‐jee ayns aggle smoo roishyn oddys annym as callin neesht y stroie ayns niurin.

Noo Mian 25:25

As ghow mee aggle, as hie mee as dollee mee dty halent ayns y thalloo: jeeagh, shoh dhyt dty chooid hene.

Noo Mian 8:26

As dooyrt eh rhoo. Cre’n fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo‐harey, as va kiuney vooar ayn.

Noo Mark 9:44

Raad nagh vel y veishteig oc geddyn baase, as cha vel yn aile er ny vooghey.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

2 Thessalonianee 2:9

Dy jarroo eshyn ta’n cheet echey cordail rish gobbraghey Satan, lesh dy chooilley phooar, as cowraghyn, as yindyssyn breagagh,

1 Timothy 4:2

Ginsh vreeagyn ayns craueeaght‐foalsey, yn chooinsheanse oc creoghit lesh yiarn jiarg:

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

Hebrewnee 13:4

Ta poosey onnoroil ayns ooilley, as y lhiabbee gyn‐loght: agh maarderee as adsyn ta brishey‐poosey nee Jee briwnys.

1 Ean 2:22

Quoi yn breagerey, agh eshyn ta gobbal dy nee Yeesey yn Creest? Eshyn ta ny an‐chreestee, ta gobbal yn Ayr as y Mac.

1 Ean 3:15

Quoi‐erbee ta dwoaie echey er e vraar, t’eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.

1 Ean 5:10

Eshyn ta credjal ayns Mac Yee, ta’n feanish echey ayn hene: eshyn nagh vel credjal Jee, t’eh er n’yannoo eh ny vreagerey; er‐yn‐oyr nagh vel eh credjal yn recortys ta Jee er n’ymmyrkey jeh e Vac.

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn:

Ashlish 19:20

As va’n veisht goit, as marish yn phadeyr foalsey va gobbraghey mirrillyn ayns e euish, lhieu v’eh molley adsyn v’er ghoaill orroo cowrey’n veisht, as adsyn hug ooashley da e yalloo. V’ad shoh ny‐neesht ceaut bio ayns logh dy aile lostey lesh brimstone.

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:2

Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.

Ashlish 21:27

As cha jed stiagh ayn er aght erbee red erbee neu‐ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.

Ashlish 9:17

As myr shoh honnick mee ny cabbil ayns yn ashlish, as adsyn v’er nyn mooin, va eïlley‐vroggil orroo myr aile, as myr hyacinth, as myr brimstone: as va king ny cabbil myr king lionyn; ass as nyn meeal haink aile, as jaagh, as brimstone.

Ashlish 9:21

Chamoo ghow ad arrys jeh’n dunverys oc, ny jeh’n obbeeys oc, ny jeh nyn maarderys, ny jeh nyn maarlys.