Ashlish 21:2 - Yn Conaant Noa 1810

² As honnick mish Ean yn ard‐valley casherick, yn Jerusalem noa, cheet neose veih Jee ass niau, soit magh myr ben‐phoosee coamrit son e sheshey.

Yn Vible Casherick 1775 1819

² As honnick mish Ean yn ard-valley casherick, yn Jerusalem noa, cheet neose veih Jee ass niau, soit magh myr ben-phoosee coamrit son e sheshey.

Ashlish 21:2 ပူးပေါင်းရင်းမြစ်များ

Noo Ean 3:29

Eshyn dooinney yn phoosee ta ben y phoosey echey: agh ta carrey dooinney yn phoosee, ta ny hassoo as geaishtagh rish, goaill boggey mooar jeh coraa yn dooinney poosee: ta shoh my voggey’s er‐y‐fa shen jeant magh.

2 Corinthianee 11:2

Son ta mee eadolagh harrishdiu lesh eadolys chrauee: son ta mee er nastey shiu rish un heshey, dy voddym shiu y hebbal myr moidyn ghlen da Creest.

Hebrewnee 11:10

Son v’eh jerkal rish ard‐valley er undinyn [shickyr], jeant as troggit liorish Jee.

Hebrewnee 11:16

Agh nish t’ad geearree cheer share, ta shen, cheer flaunyssagh: shen‐y‐fa cha vel Jee mooaraghey dy ve enmyssit yn Jee ocsyn: son t’eh er chiarail ard‐valley er nyn son.

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Hebrewnee 13:14

Son ayns shoh cha vel ain ard‐valley shickyr, agh ta skin jerkal rish ta ry‐heet.

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean:

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn, ta, as va, as ta ry heet: as veih ny shiaght spyrrydyn ta kiongoyrt rish e stoyl‐reeoil.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 11:2

Agh y chooyrt ta cheu‐mooie jeh’n chiamble, faag voïd eh, as ny towse eh; son te er ny choyrt da ny Ashoonee: as yn ard‐valley casherick stampee ad fo chosh daa vee as da‐eed.

Ashlish 21:10

As hug eh lesh mee ersooyl ayns y spyrryd gys slieau mooar ard, as yeeagh eh dou yn ard‐valley, yn Jerusalem casherick, cheet neose ass niau veih Jee,

Ashlish 21:9

As haink fer jeh ny shiaght ainleyn hym, echey va ny shiaght siyn lane jeh ny shiaght briwnyssyn, as ren eh taggloo rhym, gra, Tar ayns shoh, as jeeagh‐ym dhyt ben y phoosee, ben yn Eayn.

Ashlish 22:17

As ta’n Spyrryd as ben y phoosee gra, Tar‐jee. As lhig dasyn ta clashtyn, gra, Tar‐jee. As lhig dasyn ta paagh cheet. As lhig da quoi‐erbee saillish goaill ushtey yn vea nastee.

Ashlish 22:19

As my ghoys dooinney erbee veg ersooyl veih goan lioar y phadeyrys shoh, gowee Jee ersooyl yn ayrn echeysyn ass lioar y vea, as ass yn ard‐valley casherick, as veih ny reddyn ta scruit ’sy lioar shoh.

Ashlish 3:12

Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu‐yms er ennym my Yee, as ennym ard‐valley my Yee, yn Jerusalem noa, ta cheet neose veih niau voish my Yee; as scrieu‐yms er my ennym noa.