Ashlish 20:8 - Yn Conaant Noa 1810

⁸ As hed eh magh dy volley ny ashoonyn t’ayns ny kiare ayrnyn jeh’n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.

Yn Vible Casherick 1775 1819

⁸ As hed eh magh dy volley ny ashoonyn t’ayns ny kiare ayrnyn jeh’n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.

Ashlish 20:8 ပူးပေါင်းရင်းမြစ်များ

Hebrewnee 11:12

Shen‐y‐fa hrog jeh un ayr‐as eshyn chammah as marroo, whilleen as rollageyn yn aer ayns earroo, as myr y gheinnagh rish oirr ny marrey erskyn coontey.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 16:14

Son spyrrydyn jouyil ad gobbraghey mirrillyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley‐niartal Jee.

Ashlish 20:10

As va’n jouyl ren ad y volley, er ny hilgey ayns y logh dy aile as brimstone, raad ta’n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

Ashlish 20:3

As hilg eh eh ayns y diunid gyn‐grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.

Ashlish 7:1

As lurg ny reddyn shoh, honnick mee kiare ainleyn shassoo er kiare corneilyn y thallooin, lhiettal ny kiare gheayghyn y theihll, nagh sheidagh y gheay er y thalloo, ny er yn aarkey, ny billey erbee.