Ashlish 20:4 - Yn Conaant Noa 1810

⁴ As honnick mee stuill‐reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane blein.

Yn Vible Casherick 1775 1819

⁴ As honnick mee stuill-reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va’n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da’n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v’ad bio as reill marish Creest thousane bleïn.

Ashlish 20:4 ပူးပေါင်းရင်းမြစ်များ

Noo Mian 19:28

Dooyrt Yeesey roo, Dy firrinagh ta mee gra riu, ’Sy stayd noa, tra nee Mac y dooinney soie er stoyl‐reeoil e ghloyr, dy jean shiuish myrgeddin t’er n’eiyrt orrym’s soie er daa stoyl‐reeoil yeig, briwnys daa heeloghe yeig Israel.

Noo Mian 24:10

As eisht nee ymmodee scarrey rish nyn gredjue, as brahee ad, as ver ad feoh yn derrey yeh da’n jeh elley.

Noo Mark 6:16

Agh tra cheayll Herod jeh, dooyrt eh, She Ean Bashtey t’ayn, hug mish y kione jeh, t’eh er n’irree veih ny merriu.

Noo Mark 6:27

As chelleeragh hug y ree magh marrooder, as doardee eh cur lesh e chione as hie eh, as hug eh yn kione jeh Ean ayns y phryssoon.

Noo Mark 9:11

As dênee ad jeh, gra, Cre’n‐oyr ta ny scrudeyryn gra, dy vel Elias dy heet hoshiaght?

Noo Luke 1:17

As hed eh roishyn ayns spyrryd as pooar Elias, dy hyndaa creeaghyn ny ayraghyn gys y chloan, as ny mee‐viallee gys creenaght yn vooinjer chairal, dy yannoo aarloo pobble kiarit son y Chiarn.

Noo Luke 14:14

As bee oo bannit; son cha vod adsyn cooilleeney ’chur dhyt: son bee oo cooilleenit ec irree‐reesht y chloan chairagh.

Noo Luke 22:30

Dy vod shiu gee as giu ec my voayrd ayns my reeriaght, as soie er stuill‐reeoil, briwnys daa heeloghe yeig Israel.

Noo Ean 14:19

Foast tammylt beg, as cha vel y seihll dy my akin ny smoo; agh ta shiuish dy my akin: er‐yn‐oyr dy vel mish bio, bee shiuish bio myrgeddin.

Romanee 11:15

Son my she liorish tilgey adsyn jeh, va Ashoonee yn theihll goit gys foayr; cree vees yn goaill stiagh oc reesht, agh bioys veih ny merriu?

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

Ashlish 1:2

Ren gymmyrkey feanish gys goo Yee, as recortys Yeesey Creest, as jeh dy chooilley nhee honnick eh.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 11:11

As lurg three laa dy lieh, hie’n Spyrryd dy vea veih Jee stiagh ayndoo: as hass ad er nyn gassyn, as huitt aggle mooar orroosyn honnick ad.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 11:3

As ver‐yms pooar da my ghaa eanish, as nee ad phadeyrys thousane daa cheead as three‐feed laa coamrit ayns aanrit‐sack.

Ashlish 11:7

As tra vees ad er chooilleeney nyn veanish, nee’n veisht ta girree ass y diunid gyn‐grunt, caggey nyn ’oï, as yiow eh yn varriaght harrystoo, as ver eh ad dy baase.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 14:11

As ta jaagh yn torchagh oc goll seose son dy bragh as dy bragh: as cha vel fea oc oie ny laa, ta ooashlaghey yn veisht, as e yalloo, ny ocsyn ta goaill orroo cowrey e ennym.

Ashlish 15:2

As honnick mee myr dy beagh eh faarkey dy ghless, lesh aile ny chione; as adsyn hooar y varriaght er y veisht, as er e yalloo, as er e chowrey, as er earroo yn ennym echey, nyn shassoo er yn aarkey dy ghless, lesh claasaghyn Yee [ayns nyn laue.]

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.

Ashlish 2:26

As eshyn ta geddyn y varriaght, as freayll my obbraghyn gys y jerrey dasyn ver‐ym pooar harrish ny ashoonyn:

Ashlish 20:6

Maynrey as casherick t’eshyn ta ayrn echey ayns y chied irree‐seose‐reesht: orroo shoh cha vel pooar ec y nah vaase, agh bee ad saggyrtyn Yee, as Chreest, as nee ad reill marish son thousane bleïn.

Ashlish 22:5

As cha bee oie edyr ayns shen, as cha vel ad feme cainle, chamoo soilshey’n ghrian; son ta’n Chiarn Jee coyrt soilshey daue: as nee ad reill son dy bragh as dy bragh.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.

Ashlish 6:9

As tra v’eh er vosley yn wheiggoo seal, honnick mee fo’n altar ny anmeenyn ocsyn v’er ny choyrt dy baase son goo Yee, as son yn eanish dymmyrk ad.

Ashlish 7:3

Gra, Ny jean‐jee skielley da’n thalloo, ny da’n aarkey, ny da ny biljyn, derrey ta shin er chowrey sharvaantyn y Jee ain ayns glare nyn eddin.