Ashlish 2:5 - Yn Conaant Noa 1810

⁵ Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.

Yn Vible Casherick 1775 1819

⁵ Cooinee er-y-fa shen cre voish t’ou er duittym, as gow arrys, as jean dty chied obbraghyn; er-nonney hig-ym hood dy tappee, as scugh-ym dty chainleyr ass e ynnyd, mannagh gow arrys.

Ashlish 2:5 ပူးပေါင်းရင်းမြစ်များ

Noo Mian 5:14

Shiuish soilshey yn theihll. Cha vod ard‐valley ta soit er cronk ve follit.

Noo Mian 5:15

Chamoo ta sleih foaddey cainle, as dy choyrt ee fo saagh; agh ayns cainleyr, as t’ee cur soilshey da’n slane lught‐thie.

Noo Mark 12:9

Cre nee Chiarn y gharey‐feeyney er‐y‐fa shen y yannoo? hig eh as stroie‐ee eh ny eirinnee, as ver eh yn garey‐feeyney da eirinnee elley.

Noo Luke 1:17

As hed eh roishyn ayns spyrryd as pooar Elias, dy hyndaa creeaghyn ny ayraghyn gys y chloan, as ny mee‐viallee gys creenaght yn vooinjer chairal, dy yannoo aarloo pobble kiarit son y Chiarn.

Noo Luke 20:16

Hig eh as stroie‐ee eh ny eirinnee shoh, as ver eh yn garey‐feeyney da feallagh elley. As tra cheayll ad shen, dooyrt ad, Nar lhig eh Jee.

Galatianee 5:4

Cha vel Creest jeh veg y foays diu, quoi‐erbee eu ta jerkal dy v’er ny heyrey liorish y leigh; ta shiu er duittym veih grayse.

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

2 Peddyr 3:17

Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.

Jude 1:24

Nish huggeysyn ta abyl dy reayll shiu veih tuittym as dy hebbal shiu gyn loght kionfenish e ghloyr lesh boggey erskyn towse,

Ashlish 1:20

Folliaght ny shiaght rollageyn honnick oo ayns my laue‐yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn: as ny shiaght cainleyryn honnick oo, t’ad ny shiaght kialteenyn.

Ashlish 16:9

As va deiney losht lesh y chiass mooar, as loayr ad dy mollaghtagh noï ennym Yee, echey ta pooar harrish ny briwnyssyn trome shoh: as cha ghow ad arrys, dy chur gloyr da.

Ashlish 2:16

Gow arrys; er‐nonney hig‐ym hood dy tappee; as nee’m caggey nyn ’oï oc lesh cliwe my veeal.

Ashlish 2:19

Shione dou dt’obbraghyn, as dty ghiastyllys, as dty hirveish, as dty chredjue, as dty hurranse, as dt’obbraghyn s’jerree dy ve ny share na’n toshiaght.

Ashlish 2:2

Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.