Ashlish 2:23 - Yn Conaant Noa 1810

²³ As stroie‐ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver‐yms da dagh unnane eu cordail rish nyn obbraghyn.

Yn Vible Casherick 1775 1819

²³ As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

Ashlish 2:23 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar‐seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

Noo Ean 4:16

Dooyrt Yeesey r’ee, Immee as eïe er dty heshey, as tar ayns shoh.

Jannoo 1:24

As ghow ad padjer, as dooyrt ad, Uss, Hiarn, ayd ta fys cre t’ayns cree dy chooilley ghooinney, soilshee quoi jeh’n jees shoh t’ou er reih.

Romanee 14:12

Myr shen eisht shegin dooin ooilley coontey choyrt j’in hene gys Jee.

Romanee 8:27

As ta fys echeysyn ta ronsaghey yn cree, cre ta aigney yn Spyrryd, er‐yn‐oyr dy veh eh jannoo accan ayns lieh ny nooghyn cordail rish aigney Yee.

2 Corinthianee 5:10

Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

Galatianee 6:5

Son nee dy chooilley ghooinney gymmyrkey e errey hene.

Hebrewnee 4:13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle:

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

Ashlish 20:13

As livrey yn aarkey seose ny merriu v’aynjee, as ren y baase as yn oaie adsyn y livrey seose v’ayndoo: as va dy chooilley ghooinney er ny vriwnys cordail rish e obbraghyn.

Ashlish 22:12

As cur‐my‐ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn.

Ashlish 6:8

As yeeagh mee, as cur‐my‐ner, cabbyl banee; as va ennym yn varkiaght v’er, yn Baase, as yn oaie geiyrt er: as va pooar currit daue harrish y chiarroo ayrn jeh’n thalloo, dy varroo lesh y chliwe, as lesh gortey, as lesh baase, as lesh beiyn feïe y thallooin.