Ashlish 2:2 - Yn Conaant Noa 1810

² Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.

Yn Vible Casherick 1775 1819

² Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn:

Ashlish 2:2 ပူးပေါင်းရင်းမြစ်များ

Noo Mian 7:23

As eisht neem’s fockley‐magh orroo, Cha row aym rieau ainjys erbee erriu: reu‐jee voym, O shiuish ghrogh‐yantee.

Noo Ean 6:6

(As shoh dooyrt eh dy phrowal eh: son v’eh hene kiarit cre dy yannoo.)

Galatianee 1:7

Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Thessalonianee 5:21

Prow‐jee dy chooilley nhee: cum‐jee shickyr shen ta mie.

2 Timothy 2:19

Ny‐yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee‐chraueeaght.

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.

Ashlish 2:6

Agh ta’n goo shoh ayd, dy vel dwoaie ayd er obbraghyn ny Nicolaitanee, orroo ta dwoaie aym’s myrgeddin.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.

Ashlish 3:15

Shione dou dty obbraghyn, nagh vel oo edyr feayr ny cheh: baillym dy beagh oo edyr feayr ny cheh.

Ashlish 3:8

Shione dou dty obbraghyn: cur‐my‐ner, ta mee er hoiaghey royd dorrys foshlit, as cha vod dooinney y yeigh eh: son ta red beg dy vree aynyd, as t’ou er vreayll my ghoo, as cha vel oo er obbal my ennym.