Ashlish 2:13 - Yn Conaant Noa 1810

¹³ Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Yn Vible Casherick 1775 1819

¹³ Shione dou dty obbraghyn, as dty chummal, dy jarroo raad ta stoyl-reill Noid-ny-hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh-spyrryd cummal.

Ashlish 2:13 ပူးပေါင်းရင်းမြစ်များ

Noo Mian 10:23

Agh tra nee ad tranlaase erriu ayns un ard‐valley, cosne‐jee reue gys ard‐valley elley son ta mee shickyrys diu, nagh bee shiu er n’gholl harrish ard‐valjyn Israel, derrey vees Mac y dooinney er jeet.

Noo Mian 24:9

Eisht livreyee ad shiu seose dy ve seaghnit, as marree ad shiu: as bee dy chooilley ashoon dwoaiagh erriu er coontey yn ennym aym’s.

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Luke 21:17

As ver yn ymmodee feoh diu er coontey yn ennym aym’s.

Jannoo 22:20

As tra va fuill dty eanish Steaon er ny gheayrtey, va mee my hassoo kionfenish, as m’aigney lhieu ayns y choyrt eh gy‐baase, as yeeagh mee da’n eaddagh ocsyn ren y varroo eh.

Jannoo 9:14

As ayns shoh ta pooar echey veih ny ard‐saggyrtyn, dy gheuley ooilley ny ta geamagh er dty ennym’s.

1 Thessalonianee 5:21

Prow‐jee dy chooilley nhee: cum‐jee shickyr shen ta mie.

1 Timothy 5:8

Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh’n lught‐thie echey hene, t’eh er n’obbal y credjue, as t’eh ny smessey na an‐chreestee.

2 Timothy 1:13

Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

2 Timothy 2:12

My ta shin surranse, nee mayd myrgeddin reill mârish: my ta shin dy obbal eh, nee eshyn myrgeddin shinyn y obbal.

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Jamys 2:7

Nagh vel ad goltooan yn ennym ooasle shen ta enmyssit erriu?

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 11:3

As ver‐yms pooar da my ghaa eanish, as nee ad phadeyrys thousane daa cheead as three‐feed laa coamrit ayns aanrit‐sack.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 13:2

As va’n veisht honnick mee goll rish leopard, as va ny cassyn echey myr cassyn bear, as e veeal myr beeal lion: as hug y dragon e phooar da as e stoyl, as reill mooar.

Ashlish 14:12

Ayns shoh ta meenid ny nooghyn; shoh’n raad t’adsyn ta cur tastey da annaghyn Yee, as da credjue Yeesey.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 17:6

As honnick mee yn ven er‐meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Ashlish 2:2

Shione dou dty obbraghyn, as dty hooilleil, as dty hurranse, as kys nagh vod oo gymmyrkey lhieusyn ta olk: as t’ou er phrowal adsyn ta gra dy nee ostyllyn ad, agh cha vel ad; as er gheddyn ad magh dy ve nyn mreageryn.

Ashlish 3:11

Cur‐my‐ner, ta mee cheet dy tappee: cum shickyr ny t’ayd, son nagh gow dooinney erbee dty attey voïd.

Ashlish 3:3

Cooinee, er‐y‐fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er‐y‐fa shen er dty arrey, hig‐ym ort myr maarliagh, as cha bee fys ayd cre’n oor hig‐ym ort.