Ashlish 2:10 - Yn Conaant Noa 1810

¹⁰ Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Yn Vible Casherick 1775 1819

¹⁰ Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.

Ashlish 2:10 ပူးပေါင်းရင်းမြစ်များ

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 10:28

As ny bee aggle erriu rouesyn varrys y corp, agh nagh jarg er yn annym y varroo: agh bee‐jee ayns aggle smoo roishyn oddys annym as callin neesht y stroie ayns niurin.

Noo Mian 24:13

Agh bee eshyn, nee tannaghtyn firrinagh gys y jerrey, er ny hauail.

Noo Mark 13:13

As ver yn ymmodee feoh diu er coontey yn ennym aym’s: agh bee eshyn nee tannaghtyn firrinagh gys y jerrey er ny hauail.

Noo Mark 8:35

Son quoi‐erbee baillish e vioys y hauail, caillee eh eh; agh quoi‐erbee chaillys e vioys er my ghraih’s as graih yn tushtal, sauee eh eh.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Noo Ean 12:25

Eshyn shynney lesh e vioys, caillee eh eh: agh eshyn nagh vel soiaghey jeh e vioys ’sy theihll shoh, freillee eh eh gys y vea veayn.

Noo Ean 13:2

As myr v’ad gee nyn shibber (va’n drogh‐spyrryd nish er choyrt eh ayns cree Yuaase Iscariot mac Simon, dy vrah eh)

Noo Ean 13:27

As lurg y greme, hie yn drogh‐spyrryd stiagh ayn. Eisht dooyrt Yeesey rish, Shen t’ou dy yannoo, jean eh dy tappee.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

1 Corinthianee 9:25

As dy chooilley ghooiney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 13:2

As va’n veisht honnick mee goll rish leopard, as va ny cassyn echey myr cassyn bear, as e veeal myr beeal lion: as hug y dragon e phooar da as e stoyl, as reill mooar.

Ashlish 13:7

As va pooar er ny choyrt da dy chaggey noi ny nooghyn, as dy gheddyn yn varriaght orroo: as va pooar er ny choyrt da harrish dy chooilley chynney, as glare, as ashoon.

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.