Ashlish 19:9 - Yn Conaant Noa 1810

⁹ As dooyrt eh rhym, Scrieu Maynrey t’adsyn ta er nyn guirrey gys shibber‐banshey yn Eayn. As dooyrt eh rhym, T’ad shoh raaghyn firrinagh Yee.

Yn Vible Casherick 1775 1819

⁹ As dooyrt eh rhym, Scrieu, Maynrey t’adsyn ta er nyn guirrey gys shibber-banshey yn Eayn. As dooyrt eh rhym, T’ad shoh raaghyn firrinagh Yee.

Ashlish 19:9 ပူးပေါင်းရင်းမြစ်များ

Noo Luke 22:16

Son ta mee gra riu, Nagh n’ee‐ym maghey shoh jeh, derrey vees eh cooilleenit ayns reeriaght Yee.

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

1 Timothy 4:9

Ta shoh raa firrinagh as feeu ard‐soiagh ve jeant jeh.

2 Timothy 2:11

Te raa firrinagh. Son my ta shin er ve marroo mârish, bee mayd myrgeddin bio mârish:

Titus 3:8

Shoh raa firrinagh, as ny reddyn shoh saillym oo kinjagh, dy hionney orroo, dy vod adsyn ta er chredjal ayns Jee, ve kiaralagh dy hoilshaghey magh obbraghyn mie: ta ny reddyn shoh mie as vondeishagh da deiney.

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean:

Ashlish 1:19

Scrieu ny reddyn t’ou er vakin, as ny reddyn ta, as ny reddyn vees ny yeï shoh,

Ashlish 10:4

As tra va ny shiaght taarnaghyn erreish fockley magh nyn goraa, va mee kiarit dy scrieu; as cheayll mee coraa veih niau, gra rhym, Seal seose ny reddyn shen ta ny shiaght taarnaghyn er vockley magh, as ny scrieu ad.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.

Ashlish 17:1

As haink fer jeh ny shiaght ainleyn va ny shiaght cappanyn oc, as ren eh taggloo rhym, gra, Tar ayns shoh, as jeeagh‐ym dhyt briwnys yn streebagh vooar, ta ny soie er ymmodee ushtaghyn:

Ashlish 17:17

Son ta Jee er choyrt eh ayns ny creeaghyn oc dy chooilleeney e aigney, as dy choardail, as dy choyrt nyn reeriaght da’n veisht, derrey vees goan Yee er nyn gooilleeney.

Ashlish 2:1

Gys ainle agglish Ephesus, scrieu, Ny reddyn shoh ta eshyn dy ghra ta cummal ny shiaght rollageyn ayns e laue yesh, ta shooyl mastey ny shiaght cainleyryn dy airh;

Ashlish 2:12

As gys ainle agglish Pergamos, scrieu, Ny reddyn shoh ta eshyn gra, echey ta’n cliwe gyere lesh daa foyr;

Ashlish 2:18

As gys ainle agglish Thyatira, scrieu, Ny reddyn shoh ta Mac Yee dy ghra, ny sooillyn echey ta myr lossey dy aile, as e chassyn goll rish prash sollys;

Ashlish 2:8

As gys ainle agglish Smyrna, scrieu, Ny reddyn shoh ta’n chied er as y fer s’jerree dy ghra, va marroo, as ta bio;

Ashlish 21:5

As dooyrt eshyn va ny hoie er y stoyl‐reeoil, Cur‐my‐ner, ta mee jannoo dy chooilley nhee noa. As dooyrt eh rhym, Scrieu: son ta ny goan shoh firrinagh as shickyr.

Ashlish 22:6

As dooyrt eh rhym, Ta ny raaghyn shoh firrinagh as ynrick. As ta’n Chiarn Jee jeh ny phadeyryn casherick er choyrt e ainle dy hoilshaghey da e harvaantyn ny reddyn shegin dy gerrit ve’r nyn gooilleeney.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.

Ashlish 3:14

As gys ainle agglish ny Laodiceanee, scrieu, Ny reddyn shoh ta’n Amen dy ghra, yn feanish ynrick as firrinagh, toshiaght chroo Yee.

Ashlish 3:20

Cur‐my‐ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, higym stiagh huggey, as nee’m shibber y ghoaill mârish, as eshyn mârym’s.

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley: