Ashlish 18:3 - Yn Conaant Noa 1810

³ Son ta dy chooilley ashoon er n’iu jeh feeyn pyshoonagh e maarderys, as ta reeaghyn y theihll er n’yannoo maarderys r’ee, as ta marchanyn y theihll er n’aase berchagh trooid mooadys y rouanys eck.

Yn Vible Casherick 1775 1819

³ Son ta dy chooilley ashoon er n’iu jeh feeyn pyshoonagh e maarderys, as ta reeaghyn y theihll er n’yannoo maarderys r’ee, as ta marchanyn y theihll er n’aase berchagh trooid mooadys yn rouanys eck.

Ashlish 18:3 ပူးပေါင်းရင်းမြစ်များ

Noo Luke 7:25

Agh cre hie shiu magh dy akin? Dooinney soit magh ayns coamrey moyrnagh! Cur‐my‐ner t’adsyn ta ceau coamrey costal, as farrail dy seyr, ayns plaaseyn reeoil.

1 Timothy 5:11

Agh ny mraane‐treoghe saa ny gow stiagh: son tra t’ad er n’ghoaill toshiaght dy aase ronanagh noi Creest, bee ad son poosey;

Ashlish 14:8

As haink geiyrt er ainle elley, gra, Ta Babylon er duittym, er duittym, yn ard‐valley mooar shen, son dy dug ee er dy chooilley ashoon dy iu jeh feeyn yn vaarderys eck.

Ashlish 17:2

Mâree ta reeaghyn y theihll er n’yannoo maarderys, as ta cummaltee ny hooirey er ve er‐meshtey lesh feeyn e maarderys.

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard‐valley mooar shen, ayn‐jee va jeant berchagh dy chooilley unnane va lhongyn oc er yn aarkey, liorish yn aght‐beaghee costyllagh eck! son ayns un oor t’ee er ny yannoo follym‐faase.

Ashlish 18:23

As cha jean soilshey cainleagh arragh soilshean aynyd; as cha bee coraa yn dooinney‐poosee ny yn ven‐phoosee arragh eddyr ry‐chlashtyn aynyd: son va ny marchanyn ayd’s deiney mooarey’n theihll; son liorish dty obbeeys va dy chooilley ashoon er ny volley:

Ashlish 18:7

Corrym rish y stayd mooaralagh t’ee er ghoaill urree, as er veaghey ayns rouanys, yn corrymid cheddin dy cherraghey as dy heaghyn cur‐jee urree: son t’ee gra ayns e cree, Ta mee my hoie my ven‐reïn, as cha nee ben‐treoghe mee, as cha jig trimshey erbee my raad.

Ashlish 18:9

As nee reeaghyn y theihll ta er n’yannoo maarderys, as er veaghey dy rouanagh mâree, keayney, as dobberan er e son, tra hee ad jaagh y lostey eck.