Ashlish 18:10 - Yn Conaant Noa 1810

¹⁰ Shassoo foddey jeh son aggle jeh’n torchagh eck, gra, Ah treih, treih, yn ard‐valley mooar shen Babylon, yn ard‐valley mooar lajer shen! son ayns un oor ta dty vriwnys er jeet.

Yn Vible Casherick 1775 1819

¹⁰ Shassoo foddey jeh son aggle jeh’n torchagh eck, gra, Ah treih, treih, yn ard-valley mooar shen Babylon, yn ard-valley mooar lajer shen! son ayns un oor ta dty vriwnys er jeet.

Ashlish 18:10 ပူးပေါင်းရင်းမြစ်များ

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard‐valley mooar shen, ayn‐jee va jeant berchagh dy chooilley unnane va lhongyn oc er yn aarkey, liorish yn aght‐beaghee costyllagh eck! son ayns un oor t’ee er ny yannoo follym‐faase.

Ashlish 18:8

Shen‐y‐fa tuittee ny kerraghyn eck [urree] ayns un laa, baase, as dobberan, as gortey; as bee ee dy bollagh loght lesh aile: son niartal ta’n Chiarn Jee ta briwnys ee.

Ashlish 14:8

As haink geiyrt er ainle elley, gra, Ta Babylon er duittym, er duittym, yn ard‐valley mooar shen, son dy dug ee er dy chooilley ashoon dy iu jeh feeyn yn vaarderys eck.

Ashlish 17:12

As ta ny jeih eairkyn honnick oo, jeih reeaghyn, nagh vel foast er gheddyn reeriaght erbee; agh t’ad er gheddyn pooar myr reeaghyn son un oor marish y veisht.

Ashlish 11:8

As nee ny kirp marroo oc lhie ayns straïd yn ard‐valley vooar, ta ayns aght spyrrydoil enmyssit Sodom as Egypt, raad myrgeddin va nyn Jiarn er ny chrossey.

Ashlish 16:19

As va’n ard‐valley mooar scart ayns three ayrnyn, as va ard‐valjyn ny Hashoonee er nyn lhieggal: as haink ard‐valley mooar Vabylon ayns cooinaghtyn fenish Yee, dy choyrt jee yn cappan feeyney jeh dewilys e yymmoose.

Ashlish 18:18

As dyllee ad tra honnick ad jaagh yn lostey eck, gra, Cre’n ard‐valley ta casley rish yn ard‐valley mooar shoh?

Ashlish 18:21

As hrog ainle niartal clagh casley rish clagh vooar wyllin, as cheau eh eh ’sy cheayn, gra, Er yn aght shoh lesh niart breeoil vees, yn ard‐valley mooar shen Babylon er ny hilgey sheese, as cha bee ee arragh ry‐gheddyn.