Ashlish 17:6 - Yn Conaant Noa 1810

⁶ As honnick mee yn ven er‐meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Yn Vible Casherick 1775 1819

⁶ As honnick mee yn ven er-meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Ashlish 17:6 ပူးပေါင်းရင်းမြစ်များ

Noo Ean 2:10

As dooyrt eh rish, Ta dy chooilley ghooinney ec y toshiaght soiaghey magh feeyn mie; as tra ta deiney er n’iu dy mie, eisht feeyn smessey: agh t’ou uss er vreayll y feeyn mie derrey mish.

Jannoo 22:20

As tra va fuill dty eanish Steaon er ny gheayrtey, va mee my hassoo kionfenish, as m’aigney lhieu ayns y choyrt eh gy‐baase, as yeeagh mee da’n eaddagh ocsyn ren y varroo eh.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 13:15

As va pooar echey dy choyrt bioys da jalloo yn veisht, dy jinnagh jalloo yn veish e chammah loayrt, as cur er whilleen as nagh jinnagh ooashley da jalloo yn veisht dy ve er nyn goyrt dy baase.

Ashlish 13:7

As va pooar er ny choyrt da dy chaggey noi ny nooghyn, as dy gheddyn yn varriaght orroo: as va pooar er ny choyrt da harrish dy chooilley chynney, as glare, as ashoon.

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.