Ashlish 17:14 - Yn Conaant Noa 1810

¹⁴ Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Yn Vible Casherick 1775 1819

¹⁴ Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 17:14 ပူးပေါင်းရင်းမြစ်များ

Noo Mian 22:14

Son shimmey t’er nyn eam, agh s’tiark t’er nyn reih.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre‐erbee nee shiu y hirrey er yn Ayr ayns yn ennym aym’s, dy vod eh y chur diu eh.

Romanee 1:6

Nyn mast’ oc ta shiuish myrgeddin er nyn eam liorish Yeesey Chreest.

Romanee 8:30

As adsyn ren eh kiarail ro‐laue, orroo shoh ren eh myrgeddin geamagh: as adsyn ren eh geamagh, ren eh myrgeddin seyrey: as adsyn t’eh er heyrey, t’eh myrgeddin er ghloyraghey.

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

1 Corinthianee 15:24

Eisht ta’n jerrey cheet, tra vees eh er livrey seose yn reeriaght gys Jee, dy jarroo yn Ayr; erreish da v’er choyrt sheese dy chooilley reill, as dy chooilley ’torrity as pooar.

1 Timothy 6:15

Shen nee eshyn ayns traa cooie y hoilshaghey, ta’n ynrycan Ard‐reilltagh bannit, yn Ree dy reeghyn, as Chiarn dy hiarnyn;

2 Timothy 2:4

Cha vel dooinney‐caggee erbee dy chiangley eh hene gys cooishyn erbee seihlltagh [elley;] dy vod eh eshyn y wooiys ta er reih eh dy ve ny hidoor.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 11:7

As tra vees ad er chooilleeney nyn veanish, nee’n veisht ta girree ass y diunid gyn‐grunt, caggey nyn ’oï, as yiow eh yn varriaght harrystoo, as ver eh ad dy baase.

Ashlish 16:14

Son spyrrydyn jouyil ad gobbraghey mirrillyn, ta goll magh gys reeaghyn y thallooin, as ooilley’n seihll, dy haglym ad gys caggey yn laa mooar shen jeh’n Ooilley‐niartal Jee.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.