Ashlish 16:6 - Yn Conaant Noa 1810

⁶ Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Yn Vible Casherick 1775 1819

⁶ Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Ashlish 16:6 ပူးပေါင်းရင်းမြစ်များ

Noo Mian 7:2

Son lesh y vriwnys cheddin ta shuish briwnys, bee shiu hene er nyn mriwnys: as lesh y towse ta shiuish towse, bee eh er ny howse diu reesht.

Noo Luke 12:48

Agh eshyn nagh row toiggal, as ren foiljyn va toilliu kerraghey, cha bee yn kerraghey echey cha trome. Son da quoi‐erbee ta mooarane er ny choyrt, ersyn vees mooarane er ny hirrey: as da quoi‐erbee ta lane currit er e churrym, veihsyn nee sleih jeeaghyn son ny smoo.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

Ashlish 11:18

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta milhey’n seihll.

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.

Ashlish 13:15

As va pooar echey dy choyrt bioys da jalloo yn veisht, dy jinnagh jalloo yn veish e chammah loayrt, as cur er whilleen as nagh jinnagh ooashley da jalloo yn veisht dy ve er nyn goyrt dy baase.

Ashlish 18:20

Bee‐jee boggyssagh er‐e‐skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 18:24

As ayn‐jee v’er ny gheddyn fuill phadeyryn, as nooghyn, as [yn uill] ocsyn ooilley v’er nyn ghunverys er y thalloo.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er‐shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.