Ashlish 16:5 - Yn Conaant Noa 1810

⁵ As cheayll mee ainle ny hushtaghyn gra, T’ou uss cairagh, O Hiarn, ta, as va, as vees, er‐yn‐oyr dy vel oo myr shoh er vriwnys:

Yn Vible Casherick 1775 1819

⁵ As cheayll mee ainle ny hushtaghyn gra, T’ou uss cairagh, O Hiarn, ta, as va, as vees, er-yn-oyr dy vel oo myr shoh er vriwnys:

Ashlish 16:5 ပူးပေါင်းရင်းမြစ်များ

Noo Ean 17:25

Ayr chairagh, cha ghow yn seihll tushtey jeed; agh ta tushtey er ve aym’s jeed, as t’ad shoh er hoiggal dy vel oo er my choyrt.

Romanee 2:5

Agh cordail rish creoghys dty chree vee‐arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn, ta, as va, as ta ry heet: as veih ny shiaght spyrrydyn ta kiongoyrt rish e stoyl‐reeoil.

Ashlish 1:8

Mish Alpha as Omega, yn toshiaght as y jerrey, ta’n Chiarn dy ghra, ta, as va, as ta dy heet, yn Ooilley‐niartal.

Ashlish 11:17

Gra, Ta shin cur booise dhyt’s O Hiarn Yee Ooilley‐niartal, ta, as va, as ta ry heet; son dy vel oo er ghoaill hood hene dty phooar vooar, as er reill.

Ashlish 16:4

As ren y trass ainle e chappan y gheayrtey magh er ny awinyn as farraneyn ushtey; as haink ad dy ve fuill.

Ashlish 16:7

As cheayll mee fer elley gra veih’n altar, Eer myr shen, Hiarn Yee Ooilley‐niartal, firrinagh as cairagh ta dty vriwnyssyn.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er‐shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.

Ashlish 4:8

As v’ec dagh fer jeh ny kiare cretooryn shey skianyn mygeayrt‐y‐mysh, as v’ad lane dy hooillyn cheu‐sthie; as cha vel ad scuirr laa ny oie, gra, Casherick, casherick, casherick, Hiarn Yee Ooilley‐niartal, va, as ta, as ta ry‐heet.

Ashlish 6:10

As deïe ad lesh ard‐choraa, gra, Caid, O Hiarn, casherick as firrinagh, nagh vel uss briwnys as goaill cooilleeney son yn uill ain er fir‐vaghee yn thallooin?