Ashlish 15:1 - Yn Conaant Noa 1810

¹ As honnick mee cowrey elley ayns niau, mooar as mirrillagh, shiaght ainleyn as ny shiaght briwnyssyn s’jerree oc, son ayndoosyn t’er ny lhieeney seose jymmoose Yee.

Yn Vible Casherick 1775 1819

¹ As honnick mee cowrey elley ayns niau, mooar as mirrilagh, shiaght ainleyn as ny shiaght briwnyssyn s’jerree oc, son ayndoosyn t’er ny lhieeney seose jymmoose Yee.

Ashlish 15:1 ပူးပေါင်းရင်းမြစ်များ

Ashlish 10:3

As deïe eh lesh ard‐choraa, myr ta lion buirroogh: as tra v’eh er n’yllagh, ren shiaght taarnaghyn fockley‐magh nyn goraaghyn.

Ashlish 11:14

Ta’n nah cherraghey harrish, as cur‐my‐ner, ta’n trass cheet dy tappee.

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn:

Ashlish 14:19

As hug yn aile e chorran er y thalloo, as hymsee eh billey‐feeyney’n thalloo, as cheau eh eh ayns y phress mooar feeyney dy yymmoose Yee.

Ashlish 16:1

As cheayll mee coraa ard ass y chiamble, gra rish ny shiaght ainleyn, Immee‐jee as deayrt‐jee magh ny siyn dy yymmoose Yee er y thalloo.

Ashlish 17:1

As haink fer jeh ny shiaght ainleyn va ny shiaght cappanyn oc, as ren eh taggloo rhym, gra, Tar ayns shoh, as jeeagh‐ym dhyt briwnys yn streebagh vooar, ta ny soie er ymmodee ushtaghyn:

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press‐feeyney jeh dewilys as jymmoose Yee ooilley‐niartal.

Ashlish 21:9

As haink fer jeh ny shiaght ainleyn hym, echey va ny shiaght siyn lane jeh ny shiaght briwnyssyn, as ren eh taggloo rhym, gra, Tar ayns shoh, as jeeagh‐ym dhyt ben y phoosee, ben yn Eayn.

Ashlish 8:13

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.

Ashlish 8:2

As honnick mee ny shiaght ainleyn va nyn shassoo kiongoyrt rish Jee; as dauesyn v’er ny choyrt shiaght cayrnyn.

Ashlish 8:6

As ren ny shiaght ainleyn, oc va ny shiaght cayrnyn, kiartaghey ad hene dy heidey.

Ashlish 9:20

As y chooid elley jeh ny deiney nagh row er nyn stroie liorish ny kerraghyn agglagh shoh, cha ghow ad foast arrys son obbraghyn nyn laueyn, ayns gyn coyrt ooash, ley da jouyil, as jallooyn dy airh‐dy argid, as prash, as clagh, as fuygh: nagh vod fakin, ny clashtyn, ny shooyl: