Ashlish 14:7 - Yn Conaant Noa 1810

⁷ Gra lesh ard‐choraa, Gow‐jee aggle roish Jee, as cur‐jee gloyr da; son ta oor y vriwnys echey er jeet: as cur jee ooashley dasyn chroo niau as thalloo, as yn aarkey, as ny farraneyn ushtey.

Yn Vible Casherick 1775 1819

⁷ Gra lesh ard-choraa, Gow-jee aggle roish Jee, as cur-jee gloyr da; son ta oor y vriwnys echey er jeet: as cur-jee ooashley dasyn chroo niau as thalloo, as yn aarkey, as ny farraneyn ushtey.

Ashlish 14:7 ပူးပေါင်းရင်းမြစ်များ

Noo Mian 25:13

Bee‐jee er nyn dwoaie er‐y‐fa shen, son cha vel fys eu er y laa ny’n oor, nee Mac y dooinney cheet.

Noo Luke 17:18

Cha vel er nyn gheddyn t’er jyndaa dy chur gloyr da Jee, agh yn ynrycan joarree shoh.

Jannoo 14:15

As gra, Gheiney, cre’n‐fa ta shiu jannoo ny reddyn shoh? Cha vel shinyn agh deiney jeh ny annooinidyn cheddin riu hene, as ta shin preacheil diu shiu dy hyndaa veih ny fardailyssyn shoh gys y Jee bio, chroo niau as thalloo, as y faarkey as dy chooilley nhee t’ayndoo:

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard‐valley, as ayns y craa‐thallooin v’er nyn stroie shiaght thousane dooinney: as v’adsyn va er‐mayrn atchimagh, as hug ad gloyr da Jee t’ayns niau.

Ashlish 11:18

As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta milhey’n seihll.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.

Ashlish 16:9

As va deiney losht lesh y chiass mooar, as loayr ad dy mollaghtagh noï ennym Yee, echey ta pooar harrish ny briwnyssyn trome shoh: as cha ghow ad arrys, dy chur gloyr da.

Ashlish 18:10

Shassoo foddey jeh son aggle jeh’n torchagh eck, gra, Ah treih, treih, yn ard‐valley mooar shen Babylon, yn ard‐valley mooar lajer shen! son ayns un oor ta dty vriwnys er jeet.

Ashlish 18:17

Son ayns un oor ta lheid y verchys vooar er lheïe ersooyl. As ren dy chooilley vainshter, as sheshaght lhuingey, as shiolteyryn, as ooilley ny va dellal er yn aarkey, shassoo foddey jeh,

Ashlish 18:19

As cheau ad joan er nyn ging, as deïe ad, lesh keayney as dobberan, gra, Ah treih, treih, yn ard‐valley mooar shen, ayn‐jee va jeant berchagh dy chooilley unnane va lhongyn oc er yn aarkey, liorish yn aght‐beaghee costyllagh eck! son ayns un oor t’ee er ny yannoo follym‐faase.

Ashlish 19:5

As haink coraa magh veih’n stoyl‐reeoil, gra, Cur‐jee moylley da’n Jee ain, ooilley shiuish e harvaantyn, as shiuish ta goaill aggle roish, chammah beg as mooar.

Ashlish 4:11

T’ou feeu, O Hiarn, dy gheddyn gloyr, as ooashley, as pooar; son t’ou er chroo dy chooilley nhee, as son dty aigney hene t’ad, as v’ad er nyn groo.

Ashlish 4:9

As choud as ta ny cretooryn shen coyrt gloyr, as ooashley, as booise dasyn va ny hoie er y stoyl reeoil, ta bio son dy bragh as dy bragh.

Ashlish 8:10

As heid y trass ainle, as huitt rollage vooar veih niau, lostey myr dy beagh eh lamp, as huitt eh er y trass ayrn jeh ny awinyn, as er farraneyn ny hushtaghyn: