Ashlish 14:4 - Yn Conaant Noa 1810

⁴ Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.

Yn Vible Casherick 1775 1819

⁴ Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.

Ashlish 14:4 ပူးပေါင်းရင်းမြစ်များ

Noo Mian 19:12

Son ta deiney gennish ayn, rug myr shen veih breïn nyn mayrey: as ta deiney gennish ayn v’er nyn yannoo gennish liorish deiney: as ta deiney gennish ayn, t’er n’yannoo ad hene gennish er graih reeriaght niau. Eshyn oddys shoh y ghoaill er, lhig da ’ghoaill eh.

Noo Mian 25:1

Eisht bee reeriaght niau er ny hoylaghey gys jeih moidynyn, ghow ny lampyn oc, as hie magh quail y dooinney‐poosee.

Noo Mian 8:19

As haink scrudeyr dy row huggey, as dooyrt eh rish, Vainshter, eiyr‐yms ort raad erbee dy jed oo.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 13:37

Dooyrt Peddyr rish, Hiarn, cre’n‐fa nagh voddym geiyrt ort nish? scarrym rish my vioys er dty ghraih.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

1 Corinthianee 16:15

Ta mee guee erriu, vraaraghyn, (shione diu lught‐thie Stephanas, dy vel eh yn chied‐vess dy Achaia, as dy vel ad dy arryltagh er ghoaill orroo dy hirveish er ny nooghyn.)

1 Corinthianee 6:20

Son ta shiu kionnit lesh price: shen‐y‐fa jean‐jee Jee y ghloyraghey ayns nyn gorp, as ayns nyn spyrryd, ta lesh.

1 Corinthianee 7:28

Agh my t’ou poosey, cha vel oo er n’yannoo peccah; as my ta moidyn poosey, cha vel ee er n’yannoo peccah: ny‐yeih, bee seaghyn ec nyn lheid ayns yn eill; agh ta mee gymmyrkey lhieu.

2 Corinthianee 11:2

Son ta mee eadolagh harrishdiu lesh eadolys chrauee: son ta mee er nastey shiu rish un heshey, dy voddym shiu y hebbal myr moidyn ghlen da Creest.

Ephesianee 1:14

Ta eearlys yn eiraght ain, derrey va price yn chionniaght eeckit, gys moylley e ghloyr.

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee.

1 Timothy 4:3

Lhiettal dy phoosey as sarey dy reayll veih bee, ta Jee er chroo dy ve er ny ghoaill lesh toyrt‐booise lioroosyn ta credjal as toiggal yn irriney.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr y chied‐vessyn jeh e chretooryn.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 21:22

As cha vaik mee chiamble edyr ayn: son ta’n Chiarn Jee ooilley‐niartal, as yn Eayn, yn chiamble eck.

Ashlish 21:23

As cha row yn ard‐valley shoh feme yn ghrian, chamoo yn eayst dy cheau soilshey urree: son hug gloyr Yee soilshey jee, as ta’n Eayn yn soilshey eck.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;