Ashlish 14:1 - Yn Conaant Noa 1810

¹ As yeeagh mee, as cur‐my‐ner, hass Eayn er cronk Sion, as mârish shiaght feed as kiare thousaneyn, lesh ennym e Ayrey scruit ayns glare nyn eddinyn.

Yn Vible Casherick 1775 1819

¹ As yeeagh mee, as cur-my-ner, hass Eayn er cronk Sion, as mârish shiaght-feed as kiare thousaneyn, lesh ennym e Ayrey scruit ayns glaare nyn eddinyn.

Ashlish 14:1 ပူးပေါင်းရင်းမြစ်များ

Noo Luke 12:8

Myrgeddin ta mee gra riu, Quoi‐erbee ghoys rhyms kiongoyrt rish deiney, nee yn Mac dooinney myrgeddin goaill rishyn kiongoyrt rish ainleyn Yee.

Romanee 9:33

Myr te scruit, Cur‐my‐ner, ta mee soiaghey ayns Sion clagh‐snapperal, as creg vees oyr tuittym: as quoi‐erbee ta credjal ersyn, cha jig eh giare jeh e hreishteil.

Ashlish 14:14

As yeeagh mee, as cur‐my‐nêr, bodjal gial, as er y vodjal hoie fer, goll‐rish y Mac dooinney, lesh attey dy airh er e chione, as corran gyere ayns e laue.

Ashlish 14:3

As ghow ad myr dy beagh eh arrane noa kiongoyrt rish y stoyl‐reeoil, as kiongoyrt rish ny kiare cretooryn bio, as y chanstyr: as cha dod dooinney erbee yn arrane shen y ynsaghey, agh y chiaght feed as kiare thousaneyn, v’er nyn veaysley veih broïd y theihll.

Ashlish 15:5

As ny lurg shen yeeagh mee, as cur‐my‐ner, va chiamble cabbane‐agglish y chonaant ayns niau er ny osley:

Ashlish 22:4

As hee ad yn eddin echey: as bee’n ennym echey scruit er glaare nyn eddinyn.

Ashlish 3:12

Eshyn ta cosney’n varriaght, neem’s pillar jeh ayns chiamble Yee, as cha jed eh magh ass arragh: as scrieu‐yms er ennym my Yee, as ennym ard‐valley my Yee, yn Jerusalem noa, ta cheet neose veih niau voish my Yee; as scrieu‐yms er my ennym noa.

Ashlish 4:1

Lurg shoh yeeagh mee, as cur‐my‐ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh‐ym dhyt reddyn shegin ve ny lurg shoh.

Ashlish 6:8

As yeeagh mee, as cur‐my‐ner, cabbyl banee; as va ennym yn varkiaght v’er, yn Baase, as yn oaie geiyrt er: as va pooar currit daue harrish y chiarroo ayrn jeh’n thalloo, dy varroo lesh y chliwe, as lesh gortey, as lesh baase, as lesh beiyn feïe y thallooin.