Ashlish 13:3 - Yn Conaant Noa 1810

³ As honnick mee unnane jeh ny king echey, myr dy beagh eh guint dy baase; as va’n lhot baaish echey er ny lheihys: as hie ooilley’n seihll ayns yindys geiyrt er y vaagh.

Yn Vible Casherick 1775 1819

³ As honnick mee unnane jeh ny king echey, myr dy beagh eh guint dy baase; as va’n lhott baaish echey er ny lheihys: as hie ooilley’n seihll ayns yindys geiyrt er y vaagh.

Ashlish 13:3 ပူးပေါင်းရင်းမြစ်များ

Noo Luke 2:1

As haink eh gy‐kione anys ny laghyn shen, dy jagh sarey magh veih Cesar Augustus, dy beagh coontey er ny ghoaill jeh’n slane rheam.

Noo Ean 12:19

Dooyrt ny Phariseeyn er‐y‐fa shen nyn mast’ oc hene, Nagh vaik shiu, nagh vaardee shiu monney? cur‐my‐ner ta’n seihll er gholl geiyrt er.

Jannoo 8:13

As va Simon hene er hyndaa gys y chredjue: as tra v’eh er ny vashtey, duirree eh marish Philip, goaill yindys, as cur tastey da ny mirrilyn as ny cowraghyn v’er nyn obbraghey.

Ashlish 13:12

As t’eh goaill er ooilley pooar yn chied veisht va roish; as t’eh cur er y theihll, as ny cummaltee echey, dy choyrt ooashley da’n chied veisht, yn lhot baaish echey v’er ny lheihys.

Ashlish 13:14

As t’eh molley adsyn ta cummal er y thalloo, liorish ny mirrillyn shen va pooar echey dy yannoo ayns shilley’n veisht, gra rish cummaltee’n thallooin dy yannoo jalloo da’n veisht va lhottit liorish y chliwe, as va bio.

Ashlish 17:10

As ta ayn shiaght reeaghyn: ta queig er duittym, as ta fer shassoo, as cha vel y chiaghtoo foast er jeet; as tra hig eh shoh, shegin da tannaghtyn son earish ghiare.

Ashlish 17:11

As y veisht va, as nagh vel, t’eh shoh dy jarroo yn hoghtoo, as t’eh jeh’n chiaght, as goll dys toyrt‐mow.

Ashlish 17:13

T’ad shoh jeh’n un aigney, as livreyee ad nyn booar as nyn niart da’n veisht.

Ashlish 17:17

Son ta Jee er choyrt eh ayns ny creeaghyn oc dy chooilleeney e aigney, as dy choardail, as dy choyrt nyn reeriaght da’n veisht, derrey vees goan Yee er nyn gooilleeney.

Ashlish 17:6

As honnick mee yn ven er‐meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.

Ashlish 17:8

Yn veisht honnick oo, ta, as cha vel eh; as hed eh seose ass y diunid gyn‐grunt, as hed eh gys toyrt mow: as gowee cummaltee’n thallooin yindys (ny enmyn oc nagh row scruit ayns lioar y vea er‐dy hoshiaght y theihll) tra ver ad my‐ner yn veisht va, as nagh vel, as foast ta.