Ashlish 12:12 - Yn Conaant Noa 1810

¹² Gow‐jee boggey er‐y‐fa shen, shiuish niaughyn, as shiuish ta cummal ayndoo. Smerg da cummaltee yn thalloo as yn aarkey; son ta’n drogh‐spyrryd er jeet neose hiuish ayns farg eulyssagh, er‐yn‐oyr dy vel fys echeysyn nagh vel e hraa agh giare.

Yn Vible Casherick 1775 1819

¹² Gow-jee boggey er-y-fa shen, shiuish niaughyn, as shiuish ta cummal ayndoo, Smerg da cummaltee yn thalloo as yn aarkey; son ta’n drogh-spyrryd er jeet neose hiuish ayns farg eulyssagh, er-yn-oyr dy vel fys echeysyn nagh vel e hraa agh giare.

Ashlish 12:12 ပူးပေါင်းရင်းမြစ်များ

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 2:14

Gloyr dy row gys Jee ayns yn yrjid, as er y thalloo shee, aigney‐mie gys deiney.

Hebrewnee 10:37

Foast son tammylt beg, eshyn ta ry‐hoi heet nee eh cheet, as cha lhig eh shaghey.

2 Peddyr 3:8

Agh, toig‐jee shoh my chaarjyn, dy vel un laa marish y Chiarn myr thousane bleïn, as thousane bleïn myr un laa.

Ashlish 10:6

As loo eh liorishyn ta bio son dy bragh as dy bragh, chroo niau, as ny reddyn t’ayn, as y thalloo, as ny reddyn t’ayn, as yn aarkey, as ny reddyn t’ayn, nagh beagh traa ny sodjey:

Ashlish 11:10

As bee cummaltee yn thallooin boggyssagh harrystoo, as bee ad gennal, as ver ad giootyn da ’cheilley; er‐yn‐oyr dy ren y daa phadeyr shoh adsyn y heaghney va baghey er y thalloo.

Ashlish 11:14

Ta’n nah cherraghey harrish, as cur‐my‐ner, ta’n trass cheet dy tappee.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:6

As doshil eh e veeal ayns goan‐mollaghtagh noi Jee, dy oltooaney e ennym, as e chabbane‐agglish, as noi cummaltee niau.

Ashlish 18:20

Bee‐jee boggyssagh er‐e‐skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 8:13

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.

Ashlish 9:12

T’an chied cherraghey trome harrish, as cur‐my‐ner, ta daa cherraghey trome elley dy heet ny lurg oc shoh.