Ashlish 11:18 - Yn Conaant Noa 1810

¹⁸ As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta milhey’n seihll.

Yn Vible Casherick 1775 1819

¹⁸ As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta mhilley’n seihll.

Ashlish 11:18 ပူးပေါင်းရင်းမြစ်များ

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 1:50

As ta e vyghin orroosyn ta goaill aggle roish, veih sheeloghe gys sheeloghe.

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys:

Ashlish 10:7

Agh ayns laghyn coraa yn chiaghtoo ainle, tra nee eh toshiaght dy heidey, dy beagh folliaght Yee er ny chooilleeney, myr t’eh er hoilshaghey da e harvaantyn ny phadeyryn.

Ashlish 11:2

Agh y chooyrt ta cheu‐mooie jeh’n chiamble, faag voïd eh, as ny towse eh; son te er ny choyrt da ny Ashoonee: as yn ard‐valley casherick stampee ad fo chosh daa vee as da‐eed.

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.

Ashlish 13:16

As t’eh cur er ooilley chammah beg as mooar, berchagh as boght, seyr as ayns bondiaght, dy ve cowrit ayns nyn laue‐yesh, ny ayns glare nyn eddin:

Ashlish 14:10

Nee’n fer cheddin giu jeh feeyn corree Yee, er ny lhieeney da gyn meenaghey dy vyghin, ayns cappan e yymmoose; as bee eh er ny horchaghey lesh aile as brimstone, kionfenish ny ainleyn casherick, as kiongoyrt rish yn Eayn:

Ashlish 15:1

As honnick mee cowrey elley ayns niau, mooar as mirrillagh, shiaght ainleyn as ny shiaght briwnyssyn s’jerree oc, son ayndoosyn t’er ny lhieeney seose jymmoose Yee.

Ashlish 15:7

As hug unnane jeh ny kiare creetooryn da ny shiaght ainleyn, shiaght siyn airhey lane jeh jymmoose Yee, ta bio son dy bragh as dy bragh.

Ashlish 18:6

Jean‐jee ish y chooilleeney eer myr t’ee ish er chooilleeney shiuish, as cur‐jee dooble jee cordail rish ny obbraghyn eck; ayns y chappan t’ee er lhieeney, lhieen‐jee wheesh elley j’ee.

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press‐feeyney jeh dewilys as jymmoose Yee ooilley‐niartal.

Ashlish 19:18

Dy vod shiu gee feill reeaghyn, as feill captanyn, as feill deiney niartal, as feill chabbil, as yn eill ocsyn ta markiagh orroo, as feill dy chooilley ghooinney, chammah seyr as shirveishee, chammah beg as mooar.

Ashlish 19:5

As haink coraa magh veih’n stoyl‐reeoil, gra, Cur‐jee moylley da’n Jee ain, ooilley shiuish e harvaantyn, as shiuish ta goaill aggle roish, chammah beg as mooar.

Ashlish 20:12

As honnick mee ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y vea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

Ashlish 20:15

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.

Ashlish 22:12

As cur‐my‐ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn.