Ashlish 10:1 - Yn Conaant Noa 1810

¹ As honnick mee ainle niartal elley cheet neose veih niau, coamrit lesh bodjal, as goll‐twoaie er e chione, as va’n eddin echey myr y ghrian, as ny cassyn echey goll‐rish pillaryn dy aile.

Yn Vible Casherick 1775 1819

¹ As honnick mee ainle niartal elley cheet neose veih niau, coamrit lesh bodjal, as goll-twoaie er e chione, as va’n eddin echey myr y ghrian, as ny cassyn echey goll-rish pillaryn dy aile.

Ashlish 10:1 ပူးပေါင်းရင်းမြစ်များ

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Noo Luke 21:27

As eisht hee ad Mac y dooinney cheet ayns bodjal lesh pooar as ard‐ghloyr.

Jannoo 26:13

Ec mun‐laa, O ree, honnick mee er y raad soilshey veih niau erskyn sollyssid y ghrian, soilshean mygeayrt‐y‐moom’s, as y vooinjer v’er nyn yurnah mârym.

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 18:1

As lurg ny reddyn shoh honnick mee ainle elley cheet neose veih niau, lesh pooar niartal; as va’n seihll er ny hoilshean lesh e ghloyr.

Ashlish 18:21

As hrog ainle niartal clagh casley rish clagh vooar wyllin, as cheau eh eh ’sy cheayn, gra, Er yn aght shoh lesh niart breeoil vees, yn ard‐valley mooar shen Babylon er ny hilgey sheese, as cha bee ee arragh ry‐gheddyn.

Ashlish 20:1

As honnick mee ainle cheet neose veih niau, lesh ogher yn diunid gyn‐grunt, as geuley mooar ayns e laue.

Ashlish 4:3

As v’eshyn ren soie, dy yeeaghyn er, clasley rish jasper, as clagh sardine; as va goll twoaie runt mygeayrt y stoyl‐reeoil, ayns shilley myr emerald.

Ashlish 5:2

As honnick mee ainle niartal fockley magh lesh ard‐choraa, Quoi ta feeu dy osley yn lioar, as dy eaysley ny sealyn eck?

Ashlish 8:13

As yeeagh mee, as cheayll mee ainle getlagh trooid mean niau, gra lesh ard choraa, Smerg, smerg, smerg da cummaltee ny hooirey, er coontey feiyr cayrnyn elley ny three ainleyn ta foast ry‐hoï sheidey.