Ashlish 1:7 - Yn Conaant Noa 1810

⁷ Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Yn Vible Casherick 1775 1819

⁷ Cur-my-ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 1:7 ပူးပေါင်းရင်းမြစ်များ

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mian 26:64

Dooyrt Yeesey rish, T’ou uss er ghra eh: ny‐yeih ta mish gra riu, Ny lurg shoh hee shiu Mac y dooinney ny hoie er laue‐yesh yn phooar, as cheet ayns bodjallyn yn aer.

Noo Mark 13:26

As eisht hee ad Mac y dooinney cheet ayns ny bodjallyn, lesh pooar as ard‐ghloyr.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Luke 21:27

As eisht hee ad Mac y dooinney cheet ayns bodjal lesh pooar as ard‐ghloyr.

Noo Ean 19:34

Agh ren fer jeh ny sidooryn lesh shleiy yn lhiattee echey y hoylley, as chelleeragh haink magh ass fuill as ushtey.

Noo Ean 19:37

As reesht ta scriptyr elley gra, Jeeaghee ad ersyn t’ad er hoylley.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 4:17

Eisht vees shinyn ta bio, as er‐mayrn, goit seose cooidjagh mâroosyn ayns ny bodjallyn, dy gholl quail y Chiarn ayns yn aer: as myr shen bee mayd dy bragh marish y Chiarn.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo chosh Mac Yee, as ta er choontey fuill yn chonaant liorish v’eh er ny chasherickey, ny red neu chasherick, as er hassoo magh dy olkyssagh noi’n Spyrryd dy ghrayse?

Hebrewnee 6:6

My huittys ad ersooyl [veih’n chredjue], dy chosney ad reesht gys arrys; fakin dy vel ad crossey daue hene Mac Yee ass‐y‐noa, as coyrt eh gys nearey foshlit.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.

Jude 1:14

As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur‐my‐ner ta’n Chiarn cheet lesh jeih thousaneyn jeh e nooghyn, casherick,

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 22:4

As hee ad yn eddin echey: as bee’n ennym echey scruit er glaare nyn eddinyn.