Ashlish 1:16 - Yn Conaant Noa 1810

¹⁶ As va echey ayns e laue yesh shiaght rollageyn: as magh ass e veeal haink cliwe geyre lesh daa foyr: as va e eddin myr y ghrian tra t’eh soilshean ayns e niart.

Yn Vible Casherick 1775 1819

¹⁶ As va echey ayns e laue yesh shiaght rollageyn: as magh ass e veeal haink cliwe gyere lesh daa foyr: as va e eddin myr y ghrian tra t’eh soilshean ayns e niart.

Ashlish 1:16 ပူးပေါင်းရင်းမြစ်များ

Noo Mian 17:2

As va’n cummey echey er ny chaghlaa kiongoyrt roo, as ren yn eddin echey soilshean myr y ghrian, as va’n coamrey echey gial myr y soilshey.

Jannoo 26:13

Ec mun‐laa, O ree, honnick mee er y raad soilshey veih niau erskyn sollyssid y ghrian, soilshean mygeayrt‐y‐moom’s, as y vooinjer v’er nyn yurnah mârym.

Ephesianee 6:17

As gow‐jee yn helmet dy haualtys, as cliwe yn Spyrryd, shoh ta Goo Yee:

Hebrewnee 4:12

Son ta goo Yee bioal, as breeoil, as ny s’geyrey na cliwe erbee dy ghaa foyr, roie trooid gys eer rheynn veih‐my‐cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.

Ashlish 1:20

Folliaght ny shiaght rollageyn honnick oo ayns my laue‐yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn: as ny shiaght cainleyryn honnick oo, t’ad ny shiaght kialteenyn.

Ashlish 10:1

As honnick mee ainle niartal elley cheet neose veih niau, coamrit lesh bodjal, as goll‐twoaie er e chione, as va’n eddin echey myr y ghrian, as ny cassyn echey goll‐rish pillaryn dy aile.

Ashlish 12:1

As va yindys mooar er ny akin ayns niau, ben coamrit lesh y ghrian, as yn eayst fo e cassyn, as attey dy ghaa rollage yeig er e kione:

Ashlish 19:15

As magh ass e veeal ta goll cliwe gyere dy woalley ny ashoonyn lesh: as nee eh reill ad lesh lorg yiarn: as t’eh stampey press‐feeyney jeh dewilys as jymmoose Yee ooilley‐niartal.

Ashlish 19:21

As va’n chooid elley jeu er ny varroo lesh y chliwe haink magh ass y veeal echeysyn va markiagh er y chabbyl; as va ooilley ny eeanlee er nyn lhieeney lesh yn eill oc.

Ashlish 2:1

Gys ainle agglish Ephesus, scrieu, Ny reddyn shoh ta eshyn dy ghra ta cummal ny shiaght rollageyn ayns e laue yesh, ta shooyl mastey ny shiaght cainleyryn dy airh;

Ashlish 2:12

As gys ainle agglish Pergamos, scrieu, Ny reddyn shoh ta eshyn gra, echey ta’n cliwe gyere lesh daa foyr;

Ashlish 2:16

Gow arrys; er‐nonney hig‐ym hood dy tappee; as nee’m caggey nyn ’oï oc lesh cliwe my veeal.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.