Ashlish 1:10 - Yn Conaant Noa 1810

¹⁰ Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.

Yn Vible Casherick 1775 1819

¹⁰ Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.

Ashlish 1:10 ပူးပေါင်းရင်းမြစ်များ

Noo Mian 22:43

Dooyrt eshyn roo, Kys eisht dy vel David liorish yn spyrryd genmys eh ny Hiarn, gra,

Noo Ean 20:19

Eisht er y laa cheddin, yn chied laa jeh’n chiaghtin, ayns yn astyr, tra va ny dorryssyn dooint, raad va ny ostyllyn er nyn jaglym cooidjagh ayns aggle roish ny Hewnyn, haink Yeesey as hass eh kiongoyrt roo, as dooyrt eh roo, Shee dy row hiu.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

1 Corinthianee 12:3

Shen‐y‐fa ta mish soilshaghey diu, nagh vel dooinney erbee ta loayrt liorish Spyrryd Yee, genmys Yeesey mollaghtagh: as nagh vod dooinney erbee gra dy nee Yeesey yn Chiarn, agh liorish y Spyrryd Noo.

1 Corinthianee 16:2

Er y chied laa jeh’n chiaghtin, lhig dagh unnane eu coyrt dy lhiattee ayns stoyr, myr ta Jee er vannaghey eh, nagh bee feme chaglym y yannoo tra hig‐ym.

Ashlish 17:3

Er shen hug eh lesh mee liorish y spyrryd gys yn aasagh: as honnick mee ben ny soie er baagh scarleod, lane dy enmyn mollaghtagh, lesh shiaght king, as jeih eairkyn.

Ashlish 21:10

As hug eh lesh mee ersooyl ayns y spyrryd gys slieau mooar ard, as yeeagh eh dou yn ard‐valley, yn Jerusalem casherick, cheet neose ass niau veih Jee,