3 Ean 1:4 - Yn Conaant Noa 1810

⁴ Cha vel boggey smoo aym na dy chlashtyn dy vel my chloan gimmeeaght ayns yn irriney.

Yn Vible Casherick 1775 1819

⁴ Cha vel boggey smoo aym na dy chlashtyn dy vel my chloan gimmeeaght ayns yn irriney.

3 Ean 1:4 ပူးပေါင်းရင်းမြစ်များ

2 Corinthianee 6:13

Nish son cooilleeney ayns y red cheddin (ta mee loayrt myr rish my chloan) lhig da’n cree euish myrgeddin roshtyn orrym’s.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 4:19

My chloan veggey, j’iuish ta mee reesht myr ayns pianyn troailt, derrey vees Creest er ny chummey ayndiu.

1 Thessalonianee 2:11

Myr ta fys eu, kys ren shin coyrlaghey as gherjaghey, as currymaghey dagh unnane eu (myr ta ayr e chloan)

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

2 Timothy 1:2

Gys Timothy my vac deyr graihagh: Grayse, myghin, as shee veih Jee yn Ayr, as Chreest Yeesey nyn Jiarn.

Philemon 1:10

Ta mee jannoo aghin hood ayns lieh my vac Onesimus, ta mee er gheddyn ayns y chredjue tra va mee ayns my gheulaghyn:

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh:

2 Ean 1:4

S’mooar va my voggey, dy dooar mee [paart] jeh dty chloan, gimmeeaght ’syn irriney, myr ta shin, er gheddyn sarey veih’n Ayr.