2 Timothy 4:8 - Yn Conaant Noa 1810

⁸ Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my lomarcan, agh dauesyn ooilley myrgeddin ta graihagh er y cheet echey.

Yn Vible Casherick 1775 1819

⁸ Veih shoh magh ta tashtit seose my chour attey dy chairys, nee yn Chiarn yn briw cairagh y chur dooys ec y laa shen: as cha nee dooys my-lomarcan, agh dauesyn ooilley myrgeddin ta graihagh er y cheet echey.

2 Timothy 4:8 ပူးပေါင်းရင်းမြစ်များ

Noo Mian 24:36

Agh er y laa as yn oor shen, cha vel fys ec dooinney erbee, cha vel ec ainleyn niau, agh ec my Ayr ny lomarcan.

Noo Mian 7:22

Jir ymmodee rhym’s ’sy laa shen, Hiarn, Hiarn, nagh vel shin er n’yannoo phadeyrys ayns dt’ennym’s? as ayns dt’ennym er chastey drogh‐spyrrydyn? as ayns dt’ennym er n’yannoo ymmodee obbraghyn yindyssagh?

Noo Luke 10:12

Agh ta mish gra riu, dy bee eh ny sassey da Sodom ec y laa shen, na da’n ard‐valley shen.

Romanee 2:5

Agh cordail rish creoghys dty chree vee‐arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

1 Corinthianee 3:13

Bee obbyr dy chooilley ghooinney er ny hoilshaghey: son ver yn laa lesh eh gys soilshey, er‐yn‐oyr dy bee eh er ny hoilshaghey liorish aile; as nee’n aile obbyr dy chooilley ghooinney y hrial, cre’n sorch te jeh.

1 Corinthianee 9:25

As dy chooilley ghooiney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

2 Corinthianee 5:2

Son ayns shoh ta shin osnaghey dy trome, geearree dy ve coamrit lesh nyn dhie ta veih niau:

Philippianee 3:11

Dy voddin liorish saase erbee cosney gys irree‐reesht ny merriu:

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

1 Thessalonianee 5:4

Agh cha vel shiuish, vraaraghyn, ayns dorraghys, dy jinnagh y laa shen berraghtyn erriu myr maarliagh.

2 Thessalonianee 2:8

As eisht vees y fer peccoil shen er ny hoilshaghey, eh nee’n Chiarn y choyrt mow liorish ennal e veeal, as stroie lesh soilshey gloyroil y cheet echey:

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

2 Timothy 1:10

Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 1:18

Dy giall y Chiarn da dy vod eh myghin y gheddyn veih’n Chiarn ’sy laa shen: as ayns cre whilleen nhee ren eh shirveish orrym ec Ephesus, ta fys ayd er dy mie.

2 Timothy 2:5

As my ta dooinney erbee myrgeddin gleck son y varriaght, cha vel eh ny‐yeih dy gheddyn yn attey, mannagh vel eh gleck dy lowal.

2 Timothy 4:1

Ta mee cur currym ort er‐y‐fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 12:11

Nish cha vel shin jeeaghyn er smaght erbee, choud as ta shin fo, dy ve gerjoilagh, agh piandagh: agh ec y jerrey te gymmyrkey yn mess sheeoil dy chairys, dauesyn ta er ve er nyn gerraghey liorish.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 19:11

As honnick mee niau foshlit as cur‐my‐ner, cabbyl bane: as va eshyn va markiaght er enmyssit Firrinagh as Ynrick, as ayns cairys t’eh briwnys as jannoo caggey.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 4:10

Ta ny kiare shanstyryn as feed tuittym sheese kiongoyrt rishyn va ny hoie er y stoyl‐reeoil, as coyrt ooashley dasyn ta bio son dy bragh as dy bragh, as t’ad ceau sheese ny attaghyn oc kiongoyrt rish y stoyl‐reeoil, gra,

Ashlish 4:4

As runt mygeayrt y stoyl‐reeoil va kiare stuill as feed; as er ny stuill honnick mee kiare shanstyryn as feed nyn soie, coamrit ayns coamrey gial; as v’oc er nyn ging attaghyn dy airh.