2 Timothy 4:2 - Yn Conaant Noa 1810

² Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Yn Vible Casherick 1775 1819

² Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jeean coyrlaghey lesh dy chooilley veenid as ynsagh.

2 Timothy 4:2 ပူးပေါင်းရင်းမြစ်များ

Noo Luke 7:23

As bannit ta eshyn nagh jean beg y hoiaghey jeem’s.

Noo Luke 7:4

As tra v’ad er jeet gys Yeesey, ren ad aghin huggey dy jeean, gra, Dy row eshyn feeu v’eh dy yannoo shoh er y hon:

Noo Luke 9:60

Dooyrt Yeesey rish, Lhig da ny merriu nyn merriu y oanluckey; agh gow uss royd as jean reeriaght Yee y phreacheil.

Jannoo 13:5

As tra haink ad gys Salamis ren ad goo Yee y phreacheil ayns kialteenyn ny Hewnyn: as va Ean oc mâroo son shirveishagh.

Jannoo 16:13

As er laa yn doonaght hie shin magh ass y valley, gys boayl va lowit son padjer, rish oirr ny hawin; as hoie shin sheese, as loayr shin rish ny mraane v’er nyn jaglym cooidjagh.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

Jannoo 28:16

As tra haink shin gys y Raue, livrey yn centurion ny pryssoonee gys captan y ghard: agh ve lowit da Paul thie y ve echey da hene, marish sidoor va curmit lesh.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

Galatianee 6:6

Lhig dasyn t’er ny ynsaghey ayns y goo, shirveish ersyn ta gynsaghey jeh dy chooilley nhee mie [t’echey.]

Colossianee 1:25

Jeh’n chooid cheddin, ta mish er my yannoo my hirveishagh cordail rish oardagh Yee, t’er ny choyrt dooys er y choontey euish, dy chooilleeney goo Yee;

Colossianee 4:3

Marish shoh, goaill padjer myrgeddin er nyn son ainyn, dy jinnagh Jee fosley dooin dorrys dy ghlare vreeoil, dy loayrt folliaght Chreest, er y hon ta mish myrgeddin ayns geulaghyn:

1 Thessalonianee 1:6

As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns moorane seaghyn, lesh boggey yn Spyrryd Noo:

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

1 Thessalonianee 5:20

Ny jean‐jee beg y hoiaghey jeh phadeyrys.

1 Timothy 4:13

Derrey hig‐ym, bee kiaralagh dy lhaih, dy choyrlaghey, dy ynsaghey.

1 Timothy 5:20

Cur oghsan dauesyn ta cur rish peccah kiongoyrt rish ooilley, dy vod feallagh elley myrgeddin aggle y ghoaill.

2 Timothy 2:21

My nee dooinney er‐y‐fa shen freayll eh hene seyr voue shoh, bee eh ny haagh son ooashley, casherick, as cooie son ymmyd y vainshter, as aarloo cour dy chooilley obbyr vie.

2 Timothy 2:25

Ayns meenid gynsageey adsyn ta shassoo magh; my saillish Jee arrys y chur daue gys goaill‐rish yn irriney;

2 Timothy 3:10

Agh t’ou uss dy slane er hoiggal my ynsagh, my aght‐beaghee, my chiarail, my chredjue, my hurranse‐foddey, my ghraih, my veenid,

Titus 1:13

Ta’n feanish shoh firrinagh, shen‐y‐fa cur oghsan gyere daue dy vod ad ve shickyr ’sy chredjue.

Titus 2:15

Ny reddyn shoh jean uss loayrt as coyrlaghey, as cur oghsan lesh slane ’torrity. Ny lhig da dooinney erbee beg y hoiaghey jeed.

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er‐y‐fa shen, as gow‐arrys.