2 Timothy 4:18 - Yn Conaant Noa 1810

¹⁸ As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.

Yn Vible Casherick 1775 1819

¹⁸ As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh; huggey dy row gloyr son dy bragh as dy bragh. Amen.

2 Timothy 4:18 ပူးပေါင်းရင်းမြစ်များ

Noo Mian 13:43

Eisht nee yn chloan chairagh soilshean magh myr y ghrian, ayns reeriaght nyn Ayrey. Eshyn ta cleayshyn echey dy chlashtyn, lhig da clashtyn.

Noo Mian 25:34

Eisht jir y ree roosyn er e laue‐yesh, Tar‐jee chloan vannit my Ayrey, gow‐jee eiraght ’sy reeriaght ta kiarit diu er‐dy hoshiaght y theihll.

Noo Mian 6:13

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Noo Luke 11:4

As leih dooin nyn beccaghyn; son ta shinyn myrgeddin leih da dy chooilley unnane ta ayns lhiastynys dooin. As ny leeid shin ayns miolagh, agh livrey shin veih olk.

Noo Luke 12:32

Ny gow‐jee aggle my hioltane veg; son she aigney‐mie nyn Ayr eh; dy chur diuish yn reeriaght.

Noo Luke 22:29

As ta mee pointeil diu reeriaght, myr ta my Ayr er phointeil dooys.

Noo Ean 17:15

Cha vel mee guee ort dy ghoaill ad ass y theihll, agh oo dy reayll ad veih’n olk.

Romanee 11:36

Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Romanee 16:27

Gys yn ynrycan Jee creeney dy row gloyr trooid Yeesey Creest son dy bragh. Amen.

1 Corinthianee 1:21

Son fakin, ayns creenaght Yee, nagh dug y seihll liorish creenaght enney er Jee, ve aigney Yee liorish ommijys preacheil dy hauail adsyn ta credjal.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

1 Corinthianee 15:50

Nish shoh ta mee dy ghra, vraaraghyn, nagh vod feill as fuill eiraght y gheddyn ayns reeriaght Yee; chammoo nee neu‐ghlennid gheddyn glennid ayns eiraght.

2 Corinthianee 1:10

Eh ren livrey shin veih baase cha dowil, as ta livrey shin: aynsyn ta shin treishteil dy jean eh foast livrey shin,

Galatianee 1:5

Huggeysyn dy row gloyr son dy bragh as dy bragh. Amen.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

2 Thessalonianee 3:3

Agh ta’n Chiarn firrinagh, nee shiuish y niartaghey, as y reayll veih olk.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

1 Timothy 6:16

Echeysyn ny lomarcan ta’n vea dy bragh farraghtyn, beaghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin; huggeysyn dy row ooashley as pooar dy bragh farraghtyn. Amen.

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 4:1

Ta mee cur currym ort er‐y‐fa shen ayns fenish Yee, as y Chiarn Yeesey Creest, nee briwnys ny bio as ny merriu ec y cheet echey, as ec e reeriaght:

Hebrewnee 11:16

Agh nish t’ad geearree cheer share, ta shen, cheer flaunyssagh: shen‐y‐fa cha vel Jee mooaraghey dy ve enmyssit yn Jee ocsyn: son t’eh er chiarail ard‐valley er nyn son.

Hebrewnee 12:22

Agh ta shiuish er jeet gys cronk Sion, as gys ard‐valley yn Jee bio, yn Jerusalem flaunyssagh, as gys sheshaght erskyn earroo dy ainleyn,

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.

1 Peddyr 5:11

Huggeysyn dy row gloyr as reill son dy bragh as dy bragh. Amen.

2 Peddyr 1:11

Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam: