2 Timothy 4:17 - Yn Conaant Noa 1810

¹⁷ Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

Yn Vible Casherick 1775 1819

¹⁷ Ny-yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

2 Timothy 4:17 ပူးပေါင်းရင်းမြစ်များ

Noo Mian 10:19

Agh tra ver ad stiagh shiu, ny bee‐jee imneagh cre’n aght, ny cre nee shiu gra, son bee eh er ny choyrt diu ayns yn oor cheddin cre nee shiu y ghra.

Noo Luke 1:1

Son wheesh as dy vel ymmodee er ghoaill ayns laue dy chur coontey cairagh jeh ny reddyn ta dy firrinagh er nyn gredjal nyn mast’ ain.

Noo Luke 21:15

Son ver‐yms diu beeal as creenaght, nagh bee ooilley nyn noidyn son loayrt ny shassoo magh n’oï.

Jannoo 23:11

As yn oie er‐giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 15:31

Dy voddym v’er my livrey vouseyn ayns Judea nagh vel credjal; as dy vod y toyrtys t’aym’s dy hirveish ec Jerusalem, ve goit ayns aigney‐mie liorish ny nooghyn:

2 Corinthianee 12:9

As dooyrt eh rhym, Ta’n ghrayse aym’s fondagh er dty hon: son ta’n niart aym’s dy slane er ny hoilshaghey ayns annooinid. Ny s’arryltee er‐y‐fa shen neem’s boggyssagh ayns my annooinidyn, dy vod pooar Chreest ve breeoil aynym.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

1 Timothy 1:12

As ta mee cur booise da Creest Yeesey nyn Jiarn, t’er my niartaghey, son dy gow eh mee dy ve firrinagh, pointeil mee gys oik y chirveish;

2 Timothy 2:1

Bee uss er‐y‐fa shen, my vac, niartal ayns y ghrayse ta ayns Creest Yeesey.

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Titus 1:3

Agh t’eh ayns imbaghyn cooie er hoilshaghey e ghoo trooid preacheil [y tushtal], y’er ny choyrt‐er my churrym, cordail rish sarey Yee nyn Saualtagh:

Hebrewnee 11:33

Ren trooid credjue yn varriaght y gheddyn harrish reeriaghtyn, d’obbree ad cairys, hooar gialdinyn jeant mie daue, yeigh beïll lionyn,

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee‐chrauee gys laa ny briwnys dy ve er nyn gerraghey: