2 Timothy 4:16 - Yn Conaant Noa 1810

¹⁶ Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee‐ym er Jee nagh bee eh er ny choyrt gys y lieh oc.

Yn Vible Casherick 1775 1819

¹⁶ Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee-ym er Jee nagh bee eh er ny choyrt gys y lieh oc.

2 Timothy 4:16 ပူးပေါင်းရင်းမြစ်များ

Noo Mark 14:50

As ren ny ostyllyn ooilley treigeil eh as cosney roue.

Noo Luke 12:11

As tra ver ad lhieu shiu gys ny quaiylyn as gys fir‐reill as pooaraghyn, ny bee‐jee imneagh kys ny cre nee shiu y reggyrt, ny cre nee shiu y ghra:

Noo Ean 16:32

Cur‐my‐ner ta’n oor cheet, as eer nish er jeet, dy bee shiu er nyn skeayley dy chooilley ghooinney gys e ynnyd hene, as dy vaag shiu mish my lomarcan: as foast cha vel mee my lomarcan, er‐y‐fa dy vel yn Ayr mârym.

Jannoo 22:1

Gheiney, vraaraghyn, as ayraghyn, clasht‐jee rish ny t’aym’s dy ghra ayns my lieh hene.

Jannoo 25:16

Dansoor mish ad, Nagh nee cliaghtey yn vooinjer va bentyn rish y Raue ve dy livrey dooinney erbee seose gys baase, derrey ta’n kimmagh as e chassidee noi‐ry‐hoi, as kied echey loayrt er e hon hene mychione yn oill veagh currit ass e lieh.

Jannoo 7:60

As ghlioon eh sheese, as deïe eh lesh ard‐choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

1 Corinthianee 13:5

Cha vel ee gymmyrkey ee hene dy neu‐aghtal, cha vel ee shirrey e cooid hene, cha vel ee dy aashagh er ny vrasnaghey, cha vel ee smooinaghtyn er olk erbee.

1 Corinthianee 9:3

My ansoor dauesyn ta dy my whestional, shoh eh,

2 Corinthianee 7:11

Son cur‐my‐ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

Philippianee 1:17

Agh y jeh elley trooid graih, myr ta fys oc dy vel mee er my phointeil son fendeilys y tushtal.

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

2 Timothy 4:15

Jehsyn bee uss er dty hwoaie, son t’eh dy roonagh er hassoo noi ny goan ain.

1 Peddyr 3:15

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym: