2 Timothy 4:14 - Yn Conaant Noa 1810

¹⁴ Ta Alexander yn gaaue‐copper er n’yannoo dooys mooarane olk: nee’n Chiarn eh y chooilleeney cordail rish e obbraghyn.

Yn Vible Casherick 1775 1819

¹⁴ Ta Alexander yn gaaue-copper er n’yannoo dooys mooarane olk: nee’n Chiarn eh y chooilleeney cordail rish e obbraghyn.

2 Timothy 4:14 ပူးပေါင်းရင်းမြစ်များ

Romanee 12:19

Charjyn ghraihagh, ny gow‐jee cooilleen ec nyn laue hene, agh ny sleaie lhig‐jee lesh corree: son te scruit, Lhiam’s kerraghey; mish nee cooilleeney, ta’n Chiarn dy ghra.

Romanee 2:6

Nee cooilleeney dy chooilley ghooinney cordail rish e obbraghyn:

2 Thessalonianee 1:6

Fakin dy vel eh red cairagh marish Jee dy chooilleeney seaghyn orroosyn ta jannoo tranlaase erriu;

1 Timothy 1:20

Jeu shoh ta Hymenius as Alexander; ad ta mee er livrey gys y drogh spyrryd, dy vod ad gynsaghey dyn dy loayrt goan‐mollaghtagh.

2 Timothy 4:15

Jehsyn bee uss er dty hwoaie, son t’eh dy roonagh er hassoo noi ny goan ain.

1 Ean 5:16

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.

Ashlish 18:20

Bee‐jee boggyssagh er‐e‐skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 18:6

Jean‐jee ish y chooilleeney eer myr t’ee ish er chooilleeney shiuish, as cur‐jee dooble jee cordail rish ny obbraghyn eck; ayns y chappan t’ee er lhieeney, lhieen‐jee wheesh elley j’ee.

Ashlish 6:10

As deïe ad lesh ard‐choraa, gra, Caid, O Hiarn, casherick as firrinagh, nagh vel uss briwnys as goaill cooilleeney son yn uill ain er fir‐vaghee yn thallooin?