2 Timothy 4:10 - Yn Conaant Noa 1810

¹⁰ Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Yn Vible Casherick 1775 1819

¹⁰ Son ta Demas er my hreigeil, er graih cosney seihltagh, as er n’gholl ersooyl gys Thessalonica; Crescens gys Galatia, Titus gys Dalmatia.

2 Timothy 4:10 ပူးပေါင်းရင်းမြစ်များ

Noo Mian 12:32

As quoi‐erbee loayrys fockle noi Mac y dooinney, bee eh er ny leih da: agh quoi‐erbee loayrys noi yn Spyrryd Noo, cha bee eh er ny leih da, edyr ’sy theihll shoh, ny ’sy theihll ta ry‐heet.

Noo Mian 26:56

Agh va ooilley shoh jeant, dy voddagh scriptyryn ny phadeyryn ve cooilleenit. Eisht ren ooilley ny ostyllyn treigeil eh, as cosney roue.

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Noo Luke 16:13

Cha vod sharvaant erbee daa vainshter y hirveish: son eddyr ver eh feoh da’n derrey yeh as graih da’n jeh elley; er‐nonney cummee eh gys y derrey yeh, as soie‐ee eh beg jeh’n jeh elley. Cha vod shiu Jee as mammon y hirveish.

Noo Luke 17:32

Coinee‐jee er ben Lot.

Jannoo 13:13

Nish tra va Paul as e heshaght er hiaulley veih Paphos, haink ad gys Perga ayns Pamphylia: as daag Ean ad, as hie eh back gys Jerusalem.

Jannoo 15:38

Agh dob Paul nagh ragh eh maroo, son dy daag eh ad ec Pamphylia, as nagh jagh eh maroo gys yn obbyr.

Jannoo 16:6

Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Jannoo 17:1

Nish tra v’ad er gholl trooid Amphipolis as Apollonia, haink ad gys Thessalonica, raad va keeill ec ny Hewnyn.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

2 Corinthianee 2:13

Cha row fea aym ayns my spyrryd, son nagh dooar mee Titus my vraar: agh faagail bannaght oc, hie mee veih shen gys Macedonia.

2 Corinthianee 7:6

Ny‐yeih, Jee, ta gerjaghey adsyn ta tilgit sheese, ren gerjaghey shinyn liorish cheet Titus:

2 Corinthianee 8:16

Agh booise dy row gys Jee, hug yn chiarail jeean cheddin ayns cree Titus er nyn son.

2 Corinthianee 8:23

My ta veg eu briaght lurg Titus, t’eh my heshey, as my cho‐obbree er y lieh euish: ny my ta briaght jeant lurg nyn mraaraghyn, t’adsyn chaghteryn ny kialteenyn, as gloyr Chreest.

2 Corinthianee 8:6

Ayns wheesh as dy ren shin geearree er Titus, myr v’eh er n’yannoo toshiaght, dy jinnagh eh neesht goll trooid lesh y ghiastyllys cheddin ny vud eu.

Galatianee 1:2

As ooilley ny braaraghyn ta mârym, gys kialteenyn Ghalatia:

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er‐shaghryn veih’n chredjue, as er vroddey ad hene trooid lesh mooarane torchaghyn.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 4:16

Ec y chied chlashtyn er my hrial cha hass dooinney erbee lhiam, agh ren dy chooilley ghooinney m’y hreigeil: guee‐ym er Jee nagh bee eh er ny choyrt gys y lieh oc.

Titus 1:4

Gys Titus my Vac hene lurg y chredjue cadjin: Grayse myghin, as shee voish Jee nyn Ayr, as y Chiarn Yeesey Creest nyn Saualtagh.

Philemon 1:24

Marcus, Aristarchus, Demas, Lucas, my cho‐labreeyn.

2 Peddyr 2:15

T’er dreigeil yn raad cair, as er n’gholl er‐shaghryn, geiyrt da raad Balaam mac Bosor, hug saynt da’n leagh dy neu‐ynrickys;