2 Timothy 3:8 - Yn Conaant Noa 1810

⁸ Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aighnaghyn mee‐chrauee, caillit gys y chredjue.

Yn Vible Casherick 1775 1819

⁸ Nish myr ren Jannes as Jambres girree noi Moses, myr shen t’ad shoh neesht shassoo magh noi’n irriney: deiney jeh aignaghyn mee-chrauee, caillit gys y chredjue.

2 Timothy 3:8 ပူးပေါင်းရင်းမြစ်များ

Jannoo 15:24

Son wheesh as dy vel shin er chlashtyn, dy vel shiartanse hie magh voïnyn er voirey shiu lesh goan, cur shaghrynys er nyn anmeenyn, as gra, dy nhegin diu v’er nyn ghiarey‐chymmylt, as y leigh y reayll; daue cha dug shinyn lheid y sarey:

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 16:18

Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

1 Timothy 1:19

Freaylley credjue, as cooinsheanse vie: liorish scarrey roo shoh ta paart dy bollagh er stroie nyn gredjue.

1 Timothy 4:2

Ginsh vreeagyn ayns craueeaght‐foalsey, yn chooinsheanse oc creoghit lesh yiarn jiarg:

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

2 Timothy 4:15

Jehsyn bee uss er dty hwoaie, son t’eh dy roonagh er hassoo noi ny goan ain.

Titus 1:10

Son ta ayn ymmodee mee‐reilltee, branladee, as molteyryn, erskyn ooilley adsyn ta jeh’n ghiarey‐chymmylt:

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

2 Peddyr 2:14

Lesh sooillyn soit er brishey‐poosey, as nagh vod scuirr veih peccah; molley anmeenyn lhag‐chredjuagh: creeaghyn t’oc, cliaghtit er obbraghyn sayntoilagh; cloan ny mollaght:

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.

Ashlish 2:20

Ny‐yeih, ta reddyn ennagh aym dy choyrt dty lieh, er‐y‐fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

Ashlish 2:6

Agh ta’n goo shoh ayd, dy vel dwoaie ayd er obbraghyn ny Nicolaitanee, orroo ta dwoaie aym’s myrgeddin.